Whattodotodo

UC Men's Octet

2009-06-07T17:55:00.003+02:00

Dei som er vener med meg på facebook må no ha fått med seg ei viss interesse frå mi side når det gjeld UC Men's Octet. For å seia det kort er dei mine store vokalgruppeidol og har mange fantastiske videoar ute på youtube. For den lange versjonen sjekk ut notatet mitt på facebook :)

Eg vil oppfordra alle til å sjekka dei ut (og notatet mitt). Her er ein liten smakebit, ein av dei fyrste eg såg, og som absolutt fekk meg på kroken :)

http://www.youtube.com/watch?v=UyqpjkCwEI4

Klar for Sommar 09

2009-06-07T16:55:00.008+02:00

Juni er godt i gang, eksamen er ferdig, har hatt ørten avslutningar og pakka og vaska ut i Kr.sand, og eg har no vore ei veka heima i Holbygda. Var så heldig å få sitja på med tante Maria og Lars oppover frå Kr.sand, sidan dei også skulle i konfirmasjon til Espen.

Vårhalvåret 09 har vore eit spesielt år.. Noko bra og noko dårleg..

*Fått trent ein del, men påsken øydela jo alt det.

*Hadde ei fantastisk oppleving med forretningsplanen, men vart ikkje så happy ending med den heller.

*Hadde ein veldig fin tur til Bournemouth og Kari. Men gjekk glipp av Constitutionen og marknadsføringseksamenen eg skulle ta opp att..

*Hatt besøk av både Victoria og Frøydis, og møtte Katrine på toget.

*Blitt kroneklukke i Lady Klukk.

*Fått lest eksepsjonelt lite fag. Dumme timeplan utan forelesingar gjer ikkje akkurat underverk for sjølvdisplinen. Dette vil vel gjenspegla seg i eksamensresultata.

*Har diverre vore ein lite inspirerande medbuar, men har hatt veldig fine medbuarar.

*Tragisk at Astrid flyttar ut no, men får inn Janne, og får no tru det vert kjekt.

*Noreg vant Grand Prix.

Er det meir? Garantert, men det får eventuelt koma seinare. Fokus framover heretter, mot eit nytt og betre liv, nok ein gong..

Hvilket liv

2008-10-31T13:15:00.000+01:00

Hm, eg bestemte meg plutseleg at eg ville skriva her i dag, så ombestemte eg meg, men eg trur eg vil skribla ned litt like vel.

Det er over eit år sidan sist. Kva skjedde? Det vil absolutt ikkje vera borti veggane å skulda på livet som student. Økonomi er eit hardt studie som krev mykje arbeid; meir enn eg ofte legg i det må eg innrømma. I alle fall enn eg legg i det i byrjinga av eit semester. Det plar koma seg.

Men det er nok ikkje forklaring god nok. Facebook. Der har me det. To månadar etter eg fekk facebook, var det slutt på bloggskrivinga. Og facebook er fint det. Men ikkje heilt det same som blogg. Eg må seia at eg likar veldig godt å lesa bloggane til folk eg kjenner. Berre heilt enkle ting som vert skrivne om det levde liv tykkjer eg er kjempespanande.

Kanskje er det andre som meg der ute. Så kanskje eg skal byrja å skriva att. Det er litt befriande i grunn, det å skriva. Men det vert litt mykje av og til. Og så har eg kome i gang med trening no. Også veldig befriande. Og smertefullt. Det er ein sånn elsk-hat-ting for meg, trur eg.

Bloggskriving er også veldig fint å driva med for å utsetja å skriva markedsføringsoppgåva.. Kan ikkje verta utsett mykje lenger den no, altså.. Har jo metodeoppgåva også; Er dagens studentar på UiA for eller mot EU?

Kjem på så veldig mange ting å skriva om, er jo eit heilt år sidan sist. Men det går jo ikkje. Å skriva alt. Fekk lyst å skriva ei bok, eigentleg, men det skjer jo ofta. Kvar får forfattarane idéane sine frå? Så tenkjer eg at dei kanskje skriv om ting dei har opplevd, så tenkjer eg at eg kan skriva om studentlivet, så tenkjer eg at om studentlivet ikkje er direkte kjedeleg, så hadde det blitt ei ganske einsformig bok..

Kanskje eg finn ei løysing. Seinare. No må eg skriva markedsføringsoppgåva. Eigentleg. Me fekk B+ på den forrige, då. Kjekt, men eg skreiv jo berre ein fjerdedel. Hatar pensumboka som er på engelsk!

Eg har plutseleg vorten usikker på kommareglar. Kvifor? Hjelp.

Lenge sidan eg har skrive på nynorsk no. Dei andre på gruppa skriv bokmål, og det må jo eg berre føya meg etter.

Sånn no skal eg prøva å posta det her. Spørs om eg hugsar korleis, lenge sidan sist :p Mm, men kanskje det vert eit innlegg eller to til, før eg er ferdig med markedsføringsskrivinga for i dag.. Me får sjå.

Det snødde i forgårs!

So long

Sånn såg eg ut i veke 41, viss biletet av meg for nokon skulle vera litt utviska ..

Sørlending

2007-08-03T14:24:00.000+02:00

Har fått meg hybel :-)

Dublett på Brigaderen i Gimle studentby rett ved høgskulen. 15 kvm, eige bad, og deler kjøkken med ein annan (ukjend). Vert særdeles spanande! Vart litt dyrare enn tenkt, men trur det skal gå bra. For litt funny information så fekk eg den ved at eg melde meg på loddtrekning av dei resterande hyblane til SiA, og blei altså trekt ut andre dagen, to gongar, faktisk...(?)! Hadde eg ikkje trudd :)

Trur eg reiser nedover på laurdag 11., med mamma eller pappa eller begge.

Skildring av dubletten: http://www.boligtorget.no/sia/frameset.asp?genses=200708030286555834

Studera til hausten?

2007-07-31T15:00:00.000+02:00

Kjem eg til å klara å bu åleine dette året?
-
Finn eg meg stad å bu i det heile? Korleis velja?
-
Vert eg kjend med andre?
-
Vert det spanande og interessant å studera økonomi og administrasjon ?
-
-
Er det eit dårleg teikn når du får lyst til å studera alt mogeleg anna enn det faktisk har tenkt å studera?
-
-
Kvifor er det ikkje sol ute i "sommar"?!
-
-

Kvifor har eg lyst til å legga meg i senga med fjeset i puta, dyna over hovudet og skrika høgt?

-
:'(

17. mai

2007-06-30T18:29:00.000+02:00

17. mai i Sambygg

Kirsti er blid som sola

Mamma i sekkeløp

Kirsti i potetløp..

Pappa på stylter :)

På stylter, lenge sidan sist!

Jeej, har alltid ynskt meg dobbelt sett med armar!

Dei siste dagane...

2007-06-30T17:21:00.000+02:00

Mykje tull og fanteri var funne på siste veka. Dette er bilen til Sondre som nokon har trilla inn i hovudbygget.. Den overtrøytte årbokkommiteen fann dette svært underhaldande..:)

Etter avslutningskonserten i Gjøvikhallen var det avslutning med foreldre på Viken

*Sukk*, var så sint på meg sjølv for at ikkje kom på at eg måtte ta bunaden med meg i påskeferien!

Intern avslutning i peisestova

Årbokskriving (!)

Siste dagen var full av både latter..

..og tårer.

Og ikkje minst gode klemmar!

Kjem verkeleg til å sakna alle desse fantastiske menneska..

Prrrates!

Oppdatering

2007-06-30T17:05:00.000+02:00

Det har skjedd ein masse sidan sist: eg har slutta på Viken, eg har kome heim, det har vore 17. mai, eg har byrja jobba for sommaren, eg har vore på Real Group-konsert, eg har vore på Vikenfestival, slåtten har byrja, og det har rett og slett blitt sommar!

Men, det vert litt mykje å skriva om så langt tilbake, så eg vil berre leggja inn nokre biletbloggar i staden. Enjoy! :D

Sorg og elende!

2007-05-14T17:23:00.000+02:00

Her ved Mjøsas hvite strand,
ligger det et lite land,
som vi fikk *snufs* dele med hverandre.

Viken var vårt oppholdssted,
helt til våren *hulk* tok oss med,
til nye landskaper å vandre... BUHUUUUU!!!

Ja, i dag er siste dagen her på Viken, i går åt me vårt siste kveldsmåltid, i dag den siste middagen, og i morgon; den siste frukosten...

Det er så ubeskriveleg fælt! Eigentleg har det ikkje gått heilt opp for meg endå. Kjem vel på internavslutninga i kveld. Kanskje.

På laurdag hadde me avslutningskonsert i Gjøvikhallen for foreldre og andre. Dette kan du lesa om her:

http://www.oa.no/Ungdom/article2769846.ece

Om du lurer på kven Anders Skjervheim er, så er det altså meg, men den godeste Viggo Sandvik har tydeligvis ikkje verdas beste hørsel... Hehe, men elles bra omtale, også av ABBA-medleyen vår, som faktisk gjekk relativt dårleg (mikrofon som ikkje virka ++). Det var jo kjekt :D

Og så har me vaska og vaska og vaska, no. På fredag var det heile skulen, og i dag rommet. Anne Kristine (din svikar :p) hadde jo reist, så eg måtte ta heile rommet vårt åleine, puh.

I morgon kjem mamma og hentar meg, *sukk*. Men det er Vikenfestival om ein månad då. Og så gler eg meg vanvittig til Real Group konsert 1. juni! Skal på "vorschpiel" hjå Per Thomas, og "nachspiel hjå Victoria :D

Heh, kjenner i handa mi no at eg har skrive ein del i det siste. Det tar på både av krefter og kreativitet å skriva over 60 helsingar i årbøkene til folk. Eg skal lesa alle helsingane eg har fått i bilen på veg heim i morgon..

Men no går eg. Det regnar ute og eg er våt og kald på beina! Prrrates :)

Skogstur

2007-05-06T16:13:00.000+02:00

På bussen heim frå Russland vart me heilt overgivne over kor grønt og fint og varmt det var i Noreg! Og Vetle kom opp med den geniale ideen at dette var jo perfekte forhold for ein telttur i skogen. Og me var ein gjeng som ville bli med, så to dagar seinare pakka me sekken, snørte våre sko, og satte oss i bilane. Bilane køyrde oss til dit me skulle gå frå, og me fann fram nesten med ein gong :-)

Vetle og Henning var turleiarar. Det var ikkje alltid like lett å lesa kartet, men me fann nokre vegar me fulgte.

Veret var nydeleg, og terrenget var fint å gå i.

Me kom oss fram til det vatnet me hadde sett oss ut på kartet, men det var for myrete til å slå opp lavvo der.

Så me gjekk langs vatnet, opp på ein topp, og deretter ned i ei lun, totalt vindstille hola.

Utsikt frå toppen der me ser glimt av vatnet. Ikkje at Vilde og Lars Jakob såg så mykje på den...;)

Med godt samarbeid fekk me slått opp lavvoen. Det var ikkje store plassen me fekk, men underlaget var mjukt og fint.

Så var det tid for å tenna opp eingongsgrillane og finna fram maten. Me hadde diverre fått bålforbud, noko som gjorde at fleire valgte å ikkje vera med på turen...

Me som var på tur koste oss no stort i alle fall!

Hanna set tennene i maiskolben. Me hadde kjøpt fem boksar, fordelt på ti personar. Me kan sei det slik at me fekk nok.

Etter leiking og hopping og spretting og prating, var det tid for å leggja seg. Me var ti stk i ein åttemannslavo, men det var berre koseleg! Eg trur eg aldri har frøse å mykje som eg gjorde den natta, og det var ikkje mykje eg sov. Hadde nok tatt sommaren litt på forskot... Det var derimot andre som sov, og det var ikkje like lett for alle å stå opp heller :)

Det var framleis ein smule kaldt om morgonen, så frukosten vart eten i lavvoen med beina i soveposen.

Så pakka me saman og vandra tilbake langs vegen, godt nøgde med turen, i møte med bilane som kom og henta oss.

Det er sommar, det er sol

2007-05-06T14:53:00.000+02:00

Etter to nydelege dagar i fantastisk sommarver, soling, is, ny sommarkjole, har det endeleg skya litt over. Dessutan er det meldt regn dei neste dagane.

-
Elles er det berre litt over ei veka igjen på Viken, megatrist! Anne Kristine skal til USA og reiser allereie i morgon tidleg :-( Men me nyt den tida som er att. Studio er mykje oppteke, og folk øver til huskonsert og avslutningskonsert. Viss me får øvd skal vokalgruppa mi opptre med ABBA-medley'en.

15. juni er det Viken-festival, så då ser me (dei fleste av oss) kvarandre igjen. Og så får me jo snart årboka, og eg håpar det vert noko av den Viken-cd'en. Skal nok ha nok av minner etter at me har slutta. Men forferdeleg trist likevel. Eg føler at om me hadde gått eit år til kunne me ha utvikla oss endå meir, i større grad. Me er jo over byrjingsfasen no. Jaja...

1. juni er det The Real Group-konsert i Askim. Den har eg noko enormt lyst til å reisa på, og det er berre å slengja seg på viss du vil vera med! Står meir her: http://www.askim.no/Modules/calendarsearchevent.aspx?ObjectType=CalendarEvent&CalendarEvent.ID=865&Calendar.ID

=5&Category.ID=28978

2. juli er det Skjærgårds M&M, og eg håpar verkeleg at det vert til at eg får tatt meg ein tur ned dit også! http://07.sginfo.no/

"Fytekatta for en musikal!"

2007-04-18T16:59:00.000+02:00

Veker med hard jobbing har no vist resultat...:)

http://www.viken.fhs.no/index.php?kat_id=77&art_id=1626

Kommentar frå salen under forestillinga:

- "Mamma, hva gjør den bjørnen i Karius og Baktus?!"

(Sagt om Vetle som hund i musikalen som då altså var Annie) :D

Arbeidsminister Perkins

2007-04-06T18:07:00.000+02:00

Påskeferien har vore eit kjærkoment høve til å skaffa kostyme til musikalen. Bestemor sitt kleslager kom godt til nytte, og har saman med pappa sine dressklede byrja å gje form til m.a. arbeidsminister Perkins...

"I følge mine siste talloppgaver er det nå 15 milioner arbeidsløse amerikanere, og nesten 50 millioner som, så vidt vi kan se, ikke har til livets opphold!"

Elles har eg spretta opp ein gamal kjole som bestemor skal sy litt på i morgon, som altå skal verta ein betre, meir passeleg (!) kjole til barnehjemsungen July (meg). Eg plukka også med meg ein haug med hattar og ein gammal vest som eg får sjå om eg får brukt :-D Hihii, gler meg!

Melkekartongpåskekrimmen

2007-04-04T17:32:00.000+02:00

Etter å ha lest og analysert grundig kvar einaste setning i påskekrimmen på Tine sine melkekartongar, har eg ikkje klart å finna eit einaste spor som leier mot ein potensiell mynttjuv. Dette er særdeles irriterande, og ikkje minst eit stort nederlag for mi ikkje lenger fullt så ljose framtid som privatdetektiv! Grr!

Men altså, veit du svaret, gje meg eit lite hint så eg kan få att nattesøvnen!

Takk skal du ha!

Natturnering og bading i Mjøsa

2007-03-30T08:37:00.000+02:00

Så var turnéen over, og eg vil kalla den ganske vellukka. På Jeløya fhs var gjorde me det særdeles bra musikalsk, og rektoren sa me låg på eit nivå mellom amatør og proff. Det var kjekt, men showet tok ikkje heilt av. På Romerike fhs gjorde det derimot det. Publikumet var vanvittig bra, og det fekk oss til å showa mykje meir. Synginga vart det så som så med (trur me aldri har sunge dei songane så falskt), men det gjorde ingenting så lenge publikum hadde det morosamt. Trur dei vart nøgde :-D

På Jeløya fekk me besøk av tre gutar som insisterte på å overnatta på jenterommet (me sov på madrasser i biblioteket), og det fekk dei no lov til. Dei var hyggelege karar, og eg fann ut at eg hadde felles bekjentskapar med ein av dei. Eg traff også ein annan vossing (Evanger) som var stipendat (?) der no.

På Romerike besøkte eg Stine, fekk sjå rommet hennar, åt middag, såg på når dei øvde til Hamlet, og prata. Veldig koseleg, dei har det fint der, men det var veldig uvant å ikkje syngja bordvers før og etter maten...;)

Onsdags kveld vart det arrangert natturneringar i fotball, bordtennis og biljard. Eg og Ingunn meldte oss på fotball i siste liten og fekk til slutt med oss Phumi. Hehe, me var det einaste laget, av seks, med to jenter, men me klarte oss bra; spelte ein uavgjort og tapte resten, men aldri med meir enn to mål. Og så scora eg i ein kamp og Phumi i ein annan, så me fekk faktisk to mål! Etterpå var me så varme at det freista veldig med eit bad i Mjøsa. Eg fekk med meg Kristine, Marianne og Ingunn, og ti over halv eitt om natta hoppa me uti. Det var kaldt. Eg mista 80% av all kjensle i beina, og opptiningsprosessen etterpå var smertefull, men du så godt var å legga seg nydusja og varm i senga etterpå! :-)
-

Elles er me i full gang med musikalen (Annie), og hadde full gjennomkøyring i går. Den blir bra! Og ALLE MÅ KOMA OG SJÅ ANNIE; PREMIERE 15. APRIL PÅ VIKEN FHS GJØVIK KL: 14.00 :-D Hihiii!
-

Ja, her er juleglede, se det Herbie!

Selv juletre er snart på vei.

Og som moderne julestjerne

vil vi gjerne bruke deeeeeg!

Gå og heng deg Herb!

GOD PÅSKE!

Turné

2007-03-26T11:24:00.000+02:00

No ber det av garde på todagars turné (også kalla konsert med overnatting! ;)

Først til Jeløya fhs i Moss, så til Romerike fhs (ser deg snart Stine!).

Huuu! Spanande, nervøs, me er liksom ikkje heilt klare endå føler eg.

Men det går vel bra.

Vert kjekt.

Snx!

Jentefest!

2007-03-13T14:27:00.000+01:00

Drøymekvelden var der, og eg vart ikkje skuffa! Gutane hadde ordna middag, laga maten sjølv (bakte poteter og kjøtt, sjokolademousse) og tok imot oss med song før maten. Det var eit deilig måltid. Jentene fekk forsyna seg først, og halvvegs i gutane var det ikkje meir kjøtt igjen...Hehe... Det gjekk bra. Så var det tre kvarters pause før underhaldning og leikar i peisestova.

Tomma, Petter, Rikard, Andreas og Øyvind framførte ei flott tolking av As long as you love me - Backstreet Boys. Hylande morosamt!

Spesielt på slutten av songen...:)

Fellesdans for alle gutane til What a feeling, med koreografi av Knuppe (midten til venstre).

Igjen, vanvittig morosamt! Dei hadde gjort ein god jobb! Dei tok også igjen på leiken me hadde på dei, kalla sug og blås for dei som kjenner til den. Einaste skilnaden var, me brukte eit A4-ark, dei brukte ein liten transparentbit...

Andreas hadde også ein popquiz, som var blondinene mot brunettene mot dei to stakkar raudtoppane på skulen... Resultatet vart 24, 23, 20. Så viss me hadde rekna ut prosent riktige i forhold til tal deltakande på kvart lag...:p

Etterpå vart me servert alt det snopet me kunne klara å stappa i oss...

i tillegg til massasje for dei som ynskte det :)

Og til slutt var fleire av gutane oppe på scenen for å syngja/spela ein liten song eller to. Fantastisk kveld! Var berre å slappa av og nyta det. All kreditt til dei herlege gutane me har på Viken!

"Hvilken herlig dag"

2007-03-10T15:19:00.000+01:00

...det var i går!

Først ein fantastisk skidag i Hafjell med dagskort for 130 kr og gratis frakt! Me var der frå 9 til halv 5 og hadde det strålande. Deretter ein god etterlengta dusj (trykket var det jo så som så, då alle på Vikheim dusja samstundes, men eg var heldig då eg lot Anne Kristine dusja først..:)), før ei særdeles velsmakande kyllinggryta til middag. Litt koseprat og appelsinkasting ved bordet etterpå, før det var tid for å samlast i peisestova til Beat for beat og Nytt på nytt.

Så:....Kaarstadbygget a cappella-gruppe; 9 kjekke menn som møttest på lærarskulen i Volda og bestemte seg for å syngja saman, og det gjer dei bra! Eg hadde skyghøge forventningar til denne konserten og eg gledde meg som ein liten unge! Endeleg noko a cappella! Eg sikra meg plass på første rekke for å få med meg absolutt, endå eg veit at slikt er risikabelt då det ofte blir tulla med dei som sit fremst og er lett tilgjengelege for konserthaldaren.

Konserten svingte og var show av høg kvalitet. På reportoiret (korleis skriv du det stygge ordet! Eg har jo bruk for det så ofte no for tida!) var mellom anna Ain't no sunshine, Take on me, Alle Pippis Blå Bjørner (e.l.), Eye of the tiger ++ Og tru det eller ei, sjølvaste Vingle-Petter (frå Fjordlandreklamen, veit du) var ein av medlemma i Kaarstadbygget! Han hadde mellom anna ein eigen radiosketsj. Alle lydane den mannen har i seg! Vanvittig morosam kar! Og dei var alle dyktige songarar. Minstemann, som dei kalte han (førsteårsstudent på Staffels), hadde ei aldeles nydeleg stemma og sjarmerte alle jentene i senk med Can't take my eyes off you.

Og så, omlag midt i konserten, skjer det... Når dei stemmer i og solisten på Carol kjem fram frå rekkja, og ikkje etter mange steg skjønar eg til min store forferdelse at det er meg han har tatt sikte på! Og han vert ståande der resten av songen og stirra meg djupt inn i augo medan han syng " darling there will never be another, cause I love you so..." Hehhh, kjempeflaut, men eg overlevde. Og, ja, gjett kva song eg hadde på hjernen då eg vakna i dag...

Nei, dei var utruleg dyktige og morosame og sjølvironiske; "...har vore på turné i både inn- og innland...", "etterpå kan de få kjøpt cd-en vår... har me berre desse tre? Det går an å brenna dei!" Og no har eg brukt fira avsnitt på å skriva om dei (kunne brukt meir). I alle fall fekk me masse idear til å bruka på våre eigne nært føreståande turnéar; håpar me får til noko bra!

I dag er det gutane sin tur til å ha fest for jentene... Er utruleg spent! Men fryktar eg har litt for høge forventningar... :p Hehe, neidå, me får sjå!

Vokalgrupper er drittøft!

2007-03-08T20:23:00.000+01:00

Kaarstadbygget på Viken i morgon! Høyr dei her: http://www.kaarstadbygget.no/art6.php

Dei store spørsmåla

2007-03-05T17:12:00.000+01:00

Kva skal eg gjera/studera til hausten?!

Kvifor er døgnet så kort?!

Kvifor vert alltid miniprisbillettane så fort utsolgt?!

Kvifor vert ein kald sjølv om det er varmt, berre fordi ein sit i ro?!

Kvifor har tv-seriar pausar mellom sesongane på over eit halvt år?!

Kvifor skal det ein har mest lyst til vera så urealistisk med tanke på framtida?!

Kvifor er folkehøgskuleåret så kort?!

To be continued...

Snø, snø og meira snø!

2007-03-05T08:43:00.000+01:00

Hihiii! Det har vore vinterferie, og eg har vore heima på Voss. For ei veka! Fantastisk! For det første har det vore vilt mykje snø, og det snødde fleire dagar medan eg var heima også. Iiii, herleg! Og så har det vore eit fantastisk ski-VM desse dagane med masse medaljer, kjempekjekt! Måtte nok berre nøya meg med halv ti-sendingane, fem er litt tidleg, men når eg lot vera å sjå på tekst-tv så vart det spanande like vel. Hm, likte best herrestafetten, tremila og femmila...:D
-

Vegard var også heima nokre dagar, og mandagen tok me oss ein tur i trekket i Myrkdalen. Det var veldig bra føre og "tildels pent vær", men etter ei stund vart ljoset veldig flatt, noko som gjorde at det var svært vanskeleg å sjå noko nedover bakken. Skummelt. Elles har dei byrja å byggja på trekket i Vetlebotn. Åå, gler meg så vanvittig til det vert ferdig, beste plassen!

Torsdag var eg hjå doktoren og fekk konstatert at eg i alle fall har normalt blodsukker og slikt, så ingen fare for det ;) og eg fekk ei "anbefaling" til fysioterapeut. Så gjekk eg vangen rundt for å sjå etter bukser, før eg åt middag med mamma på Ringheimskaféen. Halv seks gjekk eg bort i Vonheim. Det var vanvittig godt å sjå igjen folk i koret, har nok sakna dei litt, ja, når alt kjem til alt.. Diverre fekk eg ikkje høyrt dei synga då begge dirigentane var borte den dagen. Typisk! Fekk derimot vera med og reklamera for TT og påskeleir :)

Og så har eg klypt meg! Ein del kortare og ein del opp. Vart ganske fint, litt merkeleg av og til; håret mitt er så uforutsigbart, men går vel greit..

Eg har hatt masse å gjera på denne gongen, og eg trur det er grunnen til at dette har vore den beste ferien til no. Og så har eg stått opp tidleg kvar dag for å utnytta tida. Mandag vart eg også spurt om eg kunne koma opp på Helgatun og jobba litt, så eg var der tre dagar. Solveig spurte meg om eg ville jobba der i sommarferien i år også, men eg hadde jo eigentleg tenkt å sjå om fann meg noko anna denne gongen, få litt meir erfaring (og pengar; 95 kr timen ER lite for ein 19-åring). Men dei ville veldig gjerne ha meg, så eg skulle sei ifrå når eg hadde fått meg ein annan jobb.

Laurdagane vart skidagar. Først tok eg og pappa oss ein tur til Enstølen. Det var fint, men litt klabbete. Andre laurdagen gjekk me til Steinset (stølen vår). Det var vanvittig bakglatt i byrjinga, men då me kom lenger opp vart snjoen tørrare og festet så godt som perfekt. Vanvittig fin tur, veret var også nydeleg, og til tross for at me måtte brøyta løypa sjølv i den djupe laussnjoen den siste halve kilometeren, så kom me oss fram. Men det var herleg å skikkeleg på ski att, ikkje i løypa. Fiiin tur. Trur eg må legga meg i hardtrening til påske viss turane skal verta noko lengre. (Har dessutan lagt på meg fira kilo sidan jol, så vil nok berre ha godt av litt trening, ja..).

Eg rakk også akkurat å stikka innom Vonheim og koret som hadde øvingshelg, og fekk høyrt ein song. Dei var flinke! Sundag reiste eg tilbake til Gjøvik, og her er eg ;)

Inspirasjonshelg

2007-02-19T16:45:00.000+01:00

Så kom helga me hadde venta på. Det var tid for ein inspirasjonstur til Hemsedal, og nesten alle pakka ned bobleklede og ski, før me tok buss den tre timar lange turen til "the place for the crazed". Viss du deretter plussar på eitt kvarters pause som vart tre kvarter grunna dokø, grunna sju koffertar inne på bussdoen, grunna dårleg bagasjeplass, så var me endeleg framme ved kyrkjestova Ragnhild hadde ordna til oss.

Hovudrommet vart raskt rydda for stolar og bord før me la inn madrasser til alle 50. Det var fint der, veldig koseleg. Etter kvelds var det ein liten andakt av ein mann, Gjermund eit eller anna (?), og Sylvia og Vetle snakka litt om det å be, før me hadde ei lita bønnevandring. Dei fleste la seg etterpå for å vera opplagt til laurdagen.

Så kom dagen for den store utflukten.

Me stod opp i nitida, åt frukost og gjorde oss klare, før me gjekk for å ta skibussen opp til heisane. Anne Kristine hadde litt problem med bindingen på eine skia, så me måtte få fiksa det før me først kom oss opp i bakken. Når me så satte oss i heisen datt skia hennar likevel av... Heldigvis var det ein bak oss som plukka den opp, så ho fekk den igjen på toppen :) Ute snødde det tjukt, men det la ingen stor dempar på skigleda. Dei siste tjuefire timane hadde det kome 15 cm med snø, så føret var bra bortsett frå haugane med snø som samla seg, pluss litt is under. Elles var det veldig fint, me prøvde mange ulike løyper som var veldig gode. På slutten tok me til og med ei svart ei, og skulle ønska me hadde gjort det før; herleg!

Me reiste tilbake i firetida. Dei som ikkje var med i bakken hadde tatt seg ein liten skitur, men det hadde visst klabba og diverse. Til middag var det jegergryta. Eit par timar seinare var det samling, der Gjermund prata, me song, og det var fritt fram for andre som ville sei noko. Så var det laurdagskos og me spelte spel (Sånn skal det låte) og hadde det kjekt før me la oss etter ein innhaldsrik dag.

Sundagen vart det litt stress om morgonen. Me var ein gjeng som skulle på skitur saman med Roar, og det viste seg at bussen gjekk ti minuttar tidlegare enn me trudde.. Det gjekk bra, og me kom oss opp. Deretter gjekk det nedover, nesten heile vegen. Litt trasig eigentleg; følte me burde ha fortent å køyra dei nedoverbakkane, det vil sei ha gått oppover ei stund først. Så hadde me ein herleg pause med grilling og kos i under nokre tre det datt snø ned frå og ned i m.a. bålet, hovud og nakke. Paul koste seg skakk i hel :)

Veret var for det meste fint, sol med litt skyer og passe kaldt. Etter pausen kom endeleg bakkane eg hadde etterlyst.. pluss klabbing, og gnagsåret eg alltid får av dei stygge skiskoa mine. Og dei fem minuta til Roar varte minst tre kvarter. Tidsberekning er visst ikkje den sterkaste sida hans.. Men det var ein fin tur. Tilbake ved kyrkjestova vart me møtt av eit digert mannleg kjønnsorgan av snø. Utanfor kyrkjestova. Dei hadde no hatt det morosamt dei som ikkje var med på skituren. Ragnhild reiv den ned. :)

Fastelavensbollar var naudsynt, det var jo faktisk fastelavenssundag. Så var det pakking og avreise. Tilbake på Viken fekk me pizza, og så såg me Grey's Anatomy første episode sesong tre nedlasta av Sveinung i E-bolig. Halv ti gjekk me og la oss! :D

K-A-L-D-T

2007-02-12T14:17:00.000+01:00

Jah, så er me tilbake i normalt gjenge igjen. Men det er framleis ting som skjer! Det er mellom anna eit nydeleg ver ute, dog særdeles kaldt, noko som resulterte i at me holdt på å frysa oss i hel då me skulle prøva å ta opp bølgeskvulp frå ei blikkstille Mjøs. Frøydis ofra til og med fingrane sine då ho prøvde å laga bølgelyd med handa. Eg tykte det var kaldt nok å ta bilete av det! Fine bilete vart det no då :) Dessutan gjekk me kafè seinare, drakk sjokolade og kaffi og tok opp kafèlydar. Kos! (Dette var då altså til bibelinnspelingsprosjektet me har i verdibørsentimane for tida.)

På onsdag var me på tur i skauen. Køyrde først ein tjue minuttars tid før me kravla oss opp og inn i skogen. Det var om kvelden og heilt mørkt ute, berre nokre få hadde lommelykter. Med tre rundt oss over alt og skiftande landskap var det nesten magisk og gå der. Fekk assosiasjonar til når eg var liten og sprang rundt i Nigarsskogen. Spesielt då nokon nemnte at landskapet minna om skogen i Bastogne i Band of Brothers, og byrja å ropa på medace og sånt.. :)

Men, altså, det som skulle vera ei ti minuttars vandring gjennom skogen før me kom til plassen der me skulle laga bål og grilla pølser, vart først ei eit kvarters vandring, så tjue minuttar, og så...ja, me gjekk kjempemykje lenger enn planlagt, for Roar fann rett og slett ikkje vegen. Me kom fram til slutt; målet var ein høg topp med benkar og fantastisk utsikt (men det var jo mørkt, så..). Roar tente bål, me blanda oss varm drikka, og skulle til å grilla, då me fann ut at ingen hadde tatt med pølsene...

Det ordna seg heldigvis då Frank var så snill og køyrde dei opp til oss, og Roar og Mats sprang for å henta dei. Imens sat me og haldt på å frysa i hel. Det var over ti minus ute. Etter pølsegrilling måtte me til med diverse aktivitetar for å ikkje døy heilt. Det var kjekt! Så gjekk me tilbake, den riktige vegen, og var attende på skulen ein og ein halv time seinare enn planlagt. Men finfin tur! :D

I helga var det også nydeleg ver, og etter eit interessant foredrag på laurdagen om Tinnitus (øyresus), skummel sak, nytta me høvet til å ta oss ein tur i sola. Det var kaldt. Igjen heldt me på å frysa i hel, kanskje ein idè å byrja å kle seg skikkeleg, og me måtte stoppa fleire gongar med andletet mot sola for å varma oss. Turen vart ikkje så lang, men det tok me igjen ved å ta oss ein tur på skøyter etter lunsj. Det er år og dag sidan sist no, kjempekjekt!

På kvelden var det årets kortaste elevkveld (omvendt jeopardy), så me rakk å få med oss siste delen av den norske Grand Prix-finalen. Krise! Kva er det folk tenkjer på (med)! Me kan ikkje senda ein spansk song som norsk innslag i Eurovision Song Contest! Det er jo så fjernt frå all logisk forstand, så bort i veggane at eg vert heilt flau! Eg håpar verkeleg at Noreg ikkje kjem vidare til hovudfinalen! For all del, Guri Schanke er utruleg dyktig både til å syngja og dansa, men kvifor kasta det vekk på ein slik Grand Prix-song?! Uuuææææ!

Fin helg elles. Sundag gjorde eg absolutt ingen ting fornuftig (bortsett frå kveldstankar). Herleg!

Viken Grand Prix

2007-02-07T08:32:00.000+01:00

Kva skal eg sei? Årets tredje største happening, etter cabareten og den føreståande musikalen, tok stad laurdag 3. februar på Viken! I byrjinga var det få som meldte seg på, og det vart snakk om å avlysa heile greia... Anne Kristine hadde laga ein song, Melodi, som eg og ho skulle synga, og hadde skaffa band og øvd den inn og alt, og så skulle det ikkje bli noko av?! Heldigvis vart fristen utsatt. Folk vart forsikra om at det ikkje var så veldig seriøst, og til slutt hadde heile 11 "land" meldt seg på!

De må nok halda ut med eit par sidelengsbilete til, så lenge det ikkje går an å snu dei på denne maskina... Her er i alle fall Mari og Tina, dei flotte Grand Prix-konferansierane!

Eg og Anne Kristine var Sverige, men eg vart også ein del av Italia, då eg klarte å overtala Victoria, Frøydis, Ingunn og Katrine om å laga ein song til Grand Prix'en. Det var vanvittig mykje arbeid å finpussa den og øva inn. Siste veka brukte me kvart ledige minutt på songen, og den vart no bra til slutt. Me var på internett og fann italienske setningar som skulle seiast med innlevelse i byrjinga og på mellomspela, og me la også inn den fantastiske rap'en til Frøydis. Når det gjeld instrument spelte Katarina piano, me leigde inn Pietro Michelo på trommer, Vittoria Fiente spelte bass, Frederica spelte gitar, medan Ingbella og eg (Hanina Skierro) hadde vokalen.

Tre av mine kjære med-italienarar; Vittoria, Ingbella og Frederica (med gitaristane sitt teikn; H-grepet)!

Sjølv om sommerfuglane i magen var på god veg opp i halsen før me skulle opptre, gjekk det overraskande bra! Utanom slutten; det einaste me hadde fått til perfekt på øvingane måtte sjølvsagt gå heilt forferdeleg gale. Men eg trur ikkje det gjorde så stor forskjell på resultatet. (Me kom på tredje siste, men hadde seriøst fortent å komma høgare opp!)

Etter at Italia var ferdig måtte eg skunda meg ned i garderoben, skifta klede og kreppa håret. Dette førte til at eg dessverre gjekk glipp av dei fleste innslaga i Grand Prix-en og hadde litt problem med å stemma etterpå, men for at Sverige-innslaget skulle bli så bra som mogeleg var det naudsynt. Og det vart bra! Bortsett frå monitor, og ein stor mistanke om at eg sang surt ein del gongar. Men den vanvittig tøffe melodien til Anne Kristine fekk nok folk til å gløyma dette, for me fekk flest stemmer av publikum, og endte til slutt på ein fjerdeplass :D

Nokre av dei som ikkje deltok i Grand Prix fekk utdelt kvart sitt land dei skulle representera, og så gi poeng frå 1 til 12 til innslaga. Sverige fekk ein 12-ar, medan det høgaste Italia fekk var ein 8-ar... Syns Noreg fekk litt for mange 12-arar.

Her har eg då kreppa håret... Anne Kristine sa eg kledde det, medan ho berre såg rar ut, men eg er no ikkje heilt sikker...:p

Nei det var kjekt, utruleg kjekt! Etterpå var det Grand Prix -nachspiel på Vikheim 1, det vart litt fullt. Men eg vart ikkje så alt for lenge, utslitt som eg var etter øvinga den veka... Ei uforgløymeleg oppleving var det i alle fall. Håpar me får spelt inn songane, så kanskje du også får høyra dei ;)

Her ser de gruppa Mordi(!) frå Norge som då altså vann Grand Prix. Må innrømma at dei hadde ein bra song, men syns ikkje den var best! Dessutan skaffa dei seg sympatistemming då det på møtepunkt vart annonsert kven som skulle vera dommarar, og dei meinte at det vart urettferdig då ingen av dommarane likte rock...Ingen kunne jo la vera å stemma på dei då! :p ("Hæ? Dårleg tapar? Eg?!") Du kan forretsen sjå dei på youtube, med elendig lyd... http://www.youtube.com/watch?v=pHHWLjkKFIM

Freshman Year frå West Wisconsin, hadde spelt inn playback, brukte tulleinstrument, og song. Morosamt :)

Mad Distance, jenteband frå Vatikanstaten, hadde lært seg instrumenta for anledningen, den attituden, kul song og ein flott gitarsolo av Vilde!

Lollipop, Sverige

2007-02-04T12:35:00.000+01:00

MELODI

***

Sitter her sånn for meg selv,

i dag er livet grått.

Venter bare på at det blir kveld

da skal du se hva jeg har fått..

***

Det e'kke noe man kan se

og ikke pakke inn,

men det kan få deg til å le

og rikke foten din!

***

Det er en melodi-hi

en sang som gjør deg glad,

og når musikken starter

så roper vi hurra!

Det er en melodi-hi,

en liten trudelutt

og når musikken stopper ----

så b'ynner vi på ny-ytt! (modulasjon)

***

Av og til så er det tungt

å b'ynne på en sang,

men du må bare ta det lungt

for nå er vi i gang.

***

Så hvis du vil være med

så bare heng deg på;

tonene fra C til C

og ord fra A til Å!

***

Det er en melodi-hi;...

...og når musikken stopper ----

så b'ynner vi på ny-ytt! (modulasjon)

***

Det er en melodi-hi...

...og når musikken stopper ----

så b'ynner vi på ny-y-y-ytt! (modulasjon)

***

Det er en melodi-hi...

...og når musikken stopper ----

Spezia Bambinas insieme con Pietro, Italia

2007-02-04T12:17:00.000+01:00

DRØMMEPRINS

***

Ti amo, amo solo te

con un amore che non morire...

***

Du synes kanskje det her er ren klisje

men hvem i verden bryr vel seg om det?

Jeg skulle helst ha sagt det før;

jeg må ha deg før jeg dør!

***

Baciami gli occhi, e mettimi a dormire

***

Min store drøm det er å bli din - kone

og regjere med deg fra den - store trone

Min kjærlighet til deg gjør meg helt ør;

bare du kan lindre mitt hjerte som blør!

***

Dette er refrenget,

det har jeg villet synge til deg lenge

Du er den beste som fins;

Du er min - - - drømmeprins!

***

Ti amo così tanto, sei il mia uniquo pensiero...

***

Ja, vi sku' gjerne tatt en svingom vi,

det ville vel bli trivelig.

Jeg skal si deg hva vi gjør;

vi danser ompa til vi dør!

***

Dette er refrenget...

***

(Rap:) Jeg var ned på Colosseum da jeg trodde jeg fikk strøm;

foran meg stod fyren, han var henta fra en drøm!

Jeg spurte: Skal vi ta en pizza, jeg kan sponse den for deg?

Han sa: Prrrates, mia bella, du er ikke no' for meg!

***

Åh, jeg syns du er fin,

skulle ønske du ble min!

At jeg ei har sagt det før;

elsker deg, d'er det jeg gjø-ør! (modulasjon)

***

Dette er refrenget... x2

Du er min - - - drømmeprins - drømmeprins - - drømmeprins!

Samlivets utfordringar - seminar

2007-01-23T15:15:00.000+01:00

"Eit menneske har behov for kroppsleg kontakt tilsvarande fem klemmar om dagen for å oppretthalda psykisk balanse!"

Ut i snøen

2007-01-23T15:08:00.000+01:00

I går var altså eg og Anne Kristine på årets første skitur! Smørjing fekk me låna hjå Ellen Marie, og litt over 5 om kvelden satte me av stad langs Mjøsa. Det var herleg og kaldt! Omlag 7 minusgrader ute, og du ser kor frosten beit på dei rosa kjakane våre på bileta. Det var ikkje så langt me gjekk, litt mindre enn ein time, og vegen var relativt flat (...), men godt var det uansett!

På laurdag var me også ute og sprang i snøen. Mjøsheim B hadde elevkveld, og hadde laga til ei skattejakt. Det var oppgåver som rulling i snøen, fylla ei bøtta med vatn frå Mjøsa, spørsmål, laga klesrekkja, gåter, matematikk++ Laget mitt var ganske gode, men me vann diverre ikkje. Siste oppgåva klarte me ikkje, då ingen på laget vårt visste at Unni (lærar) budde rett i nærleiken, og der var skatten... Jaja :) Det var kjekt, og etterpå fekk me bollar, kakao, og snop frå skatten, og spelte masse spel. Nokre nyinnkjøpte same dagen.

Klokka 5 om natta var det endeleg tid for å leggja seg...:D

ABBA

2007-01-19T15:48:00.000+01:00

Har eg forresten sagt kva me driv på med i vokal for tida? :D

Eit 23 siders langt, til tider 7-stemt ABBA-potpuri beståande av:

Take a chance on me
Dancing Queen
Does your mother know
Mamma Mia
SOS
Money money money
The winner takes it all
Thank you for the music

Kjempestilig!!! :D

Utkledningskveld

2007-01-14T16:31:00.000+01:00

Velkommen velkommen til store og små,

velkommen hver mann og hver kvinne!

Vi håper at alle er staset opp nå,

for ulike priser å vinne!

Det var atter laurdag og Vikheim 2 sin tur til å ha elevkveld. Så me bestemte oss for å laga til utkledningskveld! Det gjekk for seg i peisestova, der alle samla seg klokka ni. Showet byrja med at me på Vikheim 2 kom inn på rekke og rad og tok ein runde på catwalken me hadde laga til midt på golvet av dei svarte scenekassene. Så var det leikar og tv-seriemusikkquiz, og til slutt catwalkkonkurranse før det vart vist film i auditoriet (Flushed away). Kvart innslag var det eg som annonserte, på rim! Trur det var ein vellukka kveld!

Med alle helt skjult bak masker og klær

den søte mystikk du vil finne...

Om snøen er vakker og hvit ute der,

vi skal nok oss kose her inne!

Tusen, tusen takk for en herlig kveld

vi bukker dypt ned i vår lomme

Nå vises en film i vårt auditori;

vi håper at alle vil komme!

Ha så videre en natt til velbehag

vi prates i morgen til en ny herlig dag!

Utkledningskveld

2007-01-14T15:56:00.000+01:00

Hanna H, Kristine og Marianne var sjørøvarar, og kledde det! ;D

Kine og Mari opptredde som tvillingar for kvelden. Kine vann også på catwalken :)

Henning og Per Thomas som narkouteliggarar (e.l.)! Vannvittig bra! Per Thomas fekk også pris for mest ugjenkjenneleg..

Kristine, Ellen Marie, Ingunn og Victoria :)

Anna Nicoline, Sylvia og Sintija, fekk pris for mest tettsitjande kostyme..

Hanna H., Øyvind og Rikard i aksjon på teatersportleiken til Tina..:D

Petter og Ellen Marie... Ellen Marie vann for beste kostyme, Petter for beste hår (det er hans eige..)

Anne Kristine hadde også kravla ned i kostymelageret og funne seg skikkeleg "bad taste"-klede..

Ole (Andreas), Kine, Mari og Andreas (Ole) :p

Nyttårsball

2007-01-07T13:14:00.000+01:00

Så var me tilbake på skulen etter velfortent ferie med jol og gullbryllaup. No er det nytt år, ny timeplan, og i går var det nyttårsball! Det heile byrja med konsert i Gjøvikhallen. Oratoriekoret var der og song delar av Händels Messias. Les meir på: http://www.viken.fhs.no/index.php?kat_id=77&art_id=1240. Dei som ville frå årets Viken-kull, fekk vera med på Halleluja-koret. Eg var med, og det var heilt fantasisk! "Damekoret" og Kammerkoret fekk også opptre med ein song kvar, før dei 17 messias-satsane.. Eg skal så absolutt byrja i Oratoriekoret til neste år!

Klokka sju skulle alle møta i hall-en. Eg tykte folk hadde kledd seg fint til joleavslutninga, men dette var jo heilt ubeskriveleg! Alle saman i sin finaste stas. Så fekk jentene kavalerar. Nokre måtte dela; eg og Anne Kristine skulle eigentleg ha Henning i lag, men så kom Benjamin på besøk (Han hadde ikkje dress med seg, så han måtte nok diverre bruka uniformen i staden..;))
Så fekk eg Henning for meg sjølv :D Han var den perfekte kavaler; drog ut stolen for meg, skjenka i brus, dansa første dansen ++ Middagen var forresten kalkun!

Gymsalen var laga flott til med sittegrupper og dansegolv, der det etter kvart gjekk vilt for seg... Det var også litt leik og underhaldning, og utdeling av "Årets ..."-prisar. "Årets vims": Frank, "Årets lillebror": Vetle, "Årets finne": Øyvind, "Årets omtenksomme": Ingunn, "Årets helløu": Camilla, "Årets sitat": Prates i morra, av Paul ++ Men me dansa frå 11 til halv 3 om natta! Nei, det var ein fin kveld!

Det kjem snø!

2006-12-28T23:01:00.000+01:00

Dette er gladnyhendene for dei neste dagane på Gjøvik! Det vil vera snø der når eg kjem tilbake!!! :D

http://www.met.no/oppland/gjovik.html?steder

Julemorgen

2006-12-28T22:51:00.000+01:00

"Nå er det julemorgen..." osb, syng og spelar dei kvar dag kl 8 og halv 11 om morgonane no i romjula. Julemorgon har vore ei fantastisk oppleving for meg opp gjennom åra, og spesielt godt har eg likt dei spanande seriane i slutten av sendinga. No då eg har vorte eldre, er desse også dei einaste eg orkar å stå opp til.

Og så har eg jo alltid beundra Nissa og Elisabeth, dei kjekke programleiarane som har vore i julemorgen år etter år, og sang og spelte så fint, og var så koselege. Det var difor svært syrgjeleg då dei i forfjor var bytta ut med Jostein og Marianne!

Likevel, det gjorde ikkje så mykje etter kvart, eg vart van med dei, og dei var ikkje dei verste programleiarane (dessutan har Jostein gått på Viken...). Det var sjølvsagt ikkje heilt det same som Nissa og Elisabeth, men dei var flinke til å syngja og spela piano.

Men i år... Eg har ikkje fått med meg kva dei nye programleiarane heiter i.o.m. at eg berre står opp til den eine serien, men det eg har fått med meg er at dei aldeles ikkje kan spela piano, men derimot latar som! Piano, og diverse andre instrument! Det er jo fullstendig tullete, utan poeng, og særdeles skuffande!

Julemorgen er ikkje det same utan ein god pianist. Kvifor kan ikkje pianisten som verkeleg spelar, utanfor skjermen, vera programleiar i staden? Eller at dei har ein fast pianist som sit der ved pianoet. Å lata som er jo berre totalt patetisk!

Elles verkar dei faktisk heilt greie dei to karane som leier oss gjennom morgontimane. Eg lurer berre litt på kven av dei som er den kvinnelege delen av paret? For for å få eit optimalt show treng ein både kvinna og mannen, som utfyller og får det beste ut av kvarandre.

"Kor er alle heltar hen? Stå opp igjen!" Nissa og Elisabeth, kom tilbake! I mellomtida får eg berre passa på å slå på tv-en akkurat når "Jesus og Josefine" byrjar. Det programmet har forresten dødskul opningsmusikk, og er eit av dei få gode barnetvprogramma som er laga i seinare tid! Ha ei fortsatt god jol!

Jul, jul! Strålande jul!

2006-12-26T23:08:00.000+01:00

Sidan eg kom heim allereie 20. desember, rakk eg å vera med på både vasking, baking, julehandel og juletrehogging. Det var forresten så vidt me fann eit brukbart tre i år, det vert mindre og mindre fine... Men pynta vart det på vetlejolaftan, før me såg grevinnen og hovmesteren :)

På jolafta song eg og Jon Anders i kyrkja. Eigentleg var det Kirsti og Jon Anders som skulle syngja, så spurte dei om eg ville vera med, så vart Kirsti sjuk, så då vart det berre meg og Jon Anders. Heile greia vart difor tatt veldig på sparket; eg måtte læra meg ein heilt ny song (Breathe of heaven, som for øvrig er kjempefin), og me fekk berre øvd ein halvtime i lag før gudstenesta. Gjekk sånn.., både opp og ned... :p

Elles har eg hatt ei fin jol med bestemor og bestefar på besøk, jolefrukost med heile familien hjå bestemor og bestefar, og middag hjå Gro +. Den har faktisk blitt ganske som den pleier, og hadde frykta at den ikkje ville bli det. Det einaste som verkeleg manglar, er snøen! Den forsvann vetlejolaftan... :(

Utbytte etter jolaftan 2006

2006-12-26T22:49:00.000+01:00

- kvit strikkegensar med svart mønster (kjempefin!)
- bolero x2
- brunt fletta lær(?)belte
- sennepsgul veska
- bok: Forhandleren, Dee Henderson
- bok: Løvekvinnen, Erik Fosnes Hansen
- bok: Segelfoss by, Knut Hamsun
- blå keramikkfat
- blå keramikkskåler
- kniv
- gaffel
- skei
- teskei
- smykke
- telysholdar
- hjartesjokolade (kvit)
- film: Disneyklassikar; Den lille havfruen
- film: Disneyklassikar; Tarzan
- film: Disneyklassikar; Atlantis
- film: Leon
- sengeteppe
- pynteputetrekk
- 200 kroner
- familiepresang: spørrebok
- familiepresang: konfekt
- kalender!

Over alle forventningar! :D

Juleavslutning

2006-12-26T22:02:00.000+01:00

Så hadde eit halvt år gått og det var klart for ei lita avslutning før jol. Denne inneholdt først ein herleg middag, med BÅDE ribbe OG pinnekjøt :) Heldigvis! No fann eg ut kva ribbe var også... Med riskremsaus til desert var julemiddagen komplett! Lærarane hadde dessutan kledd seg ut som kelnarar og gjekk rundt og varta oss opp. Herleg!

Deretter var det bilettaking, og så var det litt bilettaking, deretter var det bilettaking, før me vart send inn i peisestova. (Me hadde jo alle kledd oss opp i finstasen, så bilettaking var absolutt naudsynt!

I peisestova var det diverse underhaldning, song og musikk, og tru det eller ei; Andreas S. fortalde heile Snikker Andersen-historia ordrett til oss, utan bok, og med dialekt! Vikhheim U måtte også framføra julesangen dei vann med i julesongkonkurransen, medan Mjøsheim B (surprise) vann juletekjøkkenkonkurransen. Kvelden vart avrunda med kaker og vilter juletregang.

Også dei siste kapitla av julemysteriet vart lesne, og Elisabeth kom fram til slutt. Halv eitt om kvelden kom eg og Victoria på at me hadde gløymt å be Ole om å brenna songane vokal hadde spelt inn, på ein cd! Me ringte til han og han sa han skulle sjå kva han fekk gjort. Til mi store glede låg cd-en ute i gangen dagen etter :D Opptaket var derimot ikkje så bra som eg hadde håpa... men greit nok. Tidleg om morgonen reiste eg heim, for å feira jol der :)

GOD JOL!

Vikheim U-kveld

2006-12-18T15:08:00.000+01:00

På laurdag hadde Vikheim U elevkveld for oss på klasserom S. Fantastisk morosamt! Det heile byrja med framføring av julesongen dei hadde laga på elevkvelden til Vikheim 1, deretter song og dansa dei "Let me be your father christmas tonight". Me holdt jo på å le oss i hel, og eg vart litt frustrert for at Victoria ikkje hadde sagt at eg måtte ta med videokameraet mitt!

Så var det juletregang med songane "Jeg gikk meg over sjø og land" og "Så går vi rundt...". Me lagde det tre ringar rundt det stygge plastjuletreet til Vikheim U. På biletet kan du så vidt skimta kruna i toppen.. :)

Etterpå var alle samla i tv-stova (...)

og såg film Victoria hadde filma frå tidlegare i år. Hehe... Så var det valfri juledisco i klasserom S, der det gjekk vilt for seg (og så hadde me jo nettopp hatt swingkurs), eller tv-spel i tv-stova.

Og til slutt var det valfri sjåing av Love, actually i E-bolig. Men den har me nettopp sett, så det gadd eg ikkje. Eg byrja i staden å lesa litt i den nyaste Clive Cussler-boka eg kjøpte meg hin dagen. Kan du tenka deg, han har faktisk ungar!

Vikenvokalistane på turnè!

2006-12-18T14:45:00.000+01:00

Forrige veka var ei spanande veka for vokalelevane på Viken! Mandag var det generalprøve og tirsdag, onsdag og fredag var me på tre ulike skular og framførte vårt julereportoir (nei, korleis er det du skriv det?!) . Damekoret framførte sine tre songar: "Kling no, klokka", "Carol of the bells", og "Last christmas" (som me no også hadde koreografi til, kjempemorsomt! Ding, dang, dong!).

Vokalgruppesongar var "Deck the halls", "Gospel medley" og "Winter wonder land" (den var eg med på). "Joy to the world" og "En krybbe" var vuggen" vart kutta ut, for me song ikkje reint nok! Eg vart litt sur for det :p I staden vart det putta inn nokre solosongar frå konserten me hadde i Gjøvik kirke.

Konsertane gjekk bra dei! Folk klappa, og lo av "Last christmas"-koreografien vår, så :). Ein ganske vellukka miniturnè!

Julevaskedag

2006-12-18T13:54:00.000+01:00

Hei og hå!

Nok ein fantastisk nydeleg soloppgang i dag tidleg, og minusgrader ute! :)

I dag var det rett og slett julevaskedag etter møtepunkt klokka 8. Det skal det også vera i morgon. Men i dag var det altså peisestova som stod for tur for min og Anne Kristine sin del (pluss nokre til). Det var ein del å vaska (det skulle gjerast skikkeleg no, inni peisen og slikt), og skite var det, men det var kjekt når me fekk musikk over pa-anlegget som stod der etter kveldstankar i går, og me hoppa og dansa medan me vaska. I alle fall eg... :D

I går hadde me kveldstankar, ja, mi gruppa som planla. Me hadde eigentleg tenkt å laga ei sånn morosam dramatisering som me gjorde første gongen, av juleevangeliet, men fann ut at me fekk ikkje tid. Så det vart lesing av juleevangeliet i staden (eg las det, på nynorsk(!), saman med Victoria som var englar og gjetarar), og julesongar, og Vetle snakka ei lita stund. Eg og Victoria var også forsangarar og hadde mikrofon. Det var litt skummelt, for me hadde ikkje monitor! i alle fall avslutta me med å reisa oss og synga "Deilig er jorden", med vrenggitar, synthorgel og modulering på siste verset! :D

I går hadde miljøarbeidarane sin siste inspeksjonsrunde på tekjøkkena. Me hadde no pynta for harde livet, og fekk det skikkeleg koseleg også! Så fekk me besøk, og me sat og prata litt med dei. Etterpå fekk me vita at dei andre internata hadde store opplegg for dei, som grautfest, juleevangeliedramatisering og hadde dikta song og kledd seg som nissar. Jaja, me hadde vel aldri dei store forhåpningane om å vinna. Vinnaren vert forresten kåra i morgon. Eg syns me, Vikheim 2, burde få ein spesialpris for beste utvikling, og beste resultat ut frå forutsetnadane og personsamansetnad på internatet.. :D

Elles har me byrja å lesa to kapittel om dagen i Julemysteriet, for å verta ferdige før me reiser... Det er nesten dødssynd, men diverre naudsynt. I dag fekk eg trekka sokken min! Det måtte også sju andre...:p

På laurdag var det swingkurs, det var kjekt! Gutane våre var relativt flinke også! ;)

Åh! tullemaskin som ikkje vil legga inn fleire bilete! :PPPPP

Og i dag sa Hanna H. til meg at broren hennar satt fast på Voss pga snø. Eg måtte straks senda melding til Kirsti for å sjekka om dette var sant! Og det var det, til mi store glede! Her på Gjøvik er det berre frost endå... jaja, to dagar til eg er heima, no!

Juletekjøkkenkonkurranse

2006-12-14T11:07:00.000+01:00

Juhu! Det er snart jol! Og snøen har ikkje kome endå... :( Men det har slapsa litt i natt då.. Me har i alle fall endeleg byrja å pynta tekjøkkenet vårt til jol! Ikkje at me har så stort håp om å vinna juletekjøkkenkonkurransen, det er litt for få engasjerte på internatet vårt til det, men det har no betre seg atskillig sidan for ei veke sidan, då det var stappfullt av datamaskiner der inne. Minst 9 stk var rigga opp der inne, og linka saman, og så satt dei der og spelte CS. Sundag kasta me dei ut, rydda, vaska, og byrja å laga det koseleg. Me tok også ein liten handlerunde i går, og no ser det ganske bra ut :)

Me har strengt tatt ikkje hatt så mykje tid til pynting og slikt tidlegare. Cabareten har tatt masse tid og krefter, og slik såg timeplanen min ut forrige veka (biletet nedanfor). Den øvste timen byrjar kl 8, og den nedste sluttar kl 9... puh!

Men slik er altså tekjøkkenet til Vikheim 2 for augneblinken :)

Dei tingene i vinduet er forresten på rommet til meg og Anne Kristine, og eg har hekla dei sjølv! Lærte det på heklekurset :D Det er mange som har blitt litt hekta på hekling og strikking i det siste...

Denne stjerna heng på rommet vårt i lag med hekledingsane mine :)

Backstage

2006-12-14T10:23:00.000+01:00

Fengslende cabaret fra Viken

2006-12-14T09:38:00.000+01:00

Dette var biletet som gjekk over to sider i Oppland arbeiderblad etter første forestillinga vår, tatt frå utførelsen av Cell Blokk Tango. Eit anna bilete hadde til og med kome på framsida!

"Fengslende kabaret fra Viken
De er unge, de er dyktige og de liker å spille teater. Slikt blir det en god forestilling av.

Som perler på en snor kommer de, høydepunktene fra kjente musikaler og musikkfilmer. Den ene sangen og dansen går over i den neste, en gang iblant avbrutt av en sketsj. Kabaretforestillingen er det nærmeste elevene ved Viken folkehøgskole kommer en juletentamen, og den må helt klart kalles bestått."

Les meir/sjå bilete på: http://www.oa.no/Kultur/article2458992.ece

Etter fleire veker med hardt arbeid, særskild siste veka før cabareten, var dette ei særs kjekk tilbakemelding å få. Og eg trur me var godt nøgde sjølv også, og ikkje minst vår kjære musikallærar Gro Ann Uthaug :D

Innhaldet i cabareten var:

- I dreamed a dream (Les miserables) -> solo Anna Nicoline
- Riot in cell blokk nr. 9 (Blues Brothers) -> dans av musikal, mudra og dans valfag, solo Rikard og Stine
- Cell blokk tango (Chicago) -> musikal og mudra
- Mein Herr (?) -> solo Tina + musikal, ("A tiger is a tiger, not a lamp! Mein Herr..!")
- Jail house rock -> dans av musikal, mudra og dans valfag, solo Sondre
- Stars (Les miserables) -> solo Sigmund
- Dei ser kvarandre, går forbi kvarandre (dikt) -> musikal
- Take that look off your face (?) -> solo Sif + musikal
- Sketsj (Elg vart rein, så då var det gjort, haha) -> Ellen Marie, moi, Nanna
- Regn (dikt) -> musikal og mudra
- Raindrops keep falling on my head (?) -> solo Kine
- Singing in the rain (Singing in the rain) -> musikal
- Good morning (?) -> solo Sintija + Stine og Tina
- Wouldn't it be loverly (My fair Lady) -> solo Mari + musikal, mudra og dans valfag

Eg var med på dei to dansane. I "Cell Blokk Tango" var eg halvnaken fengsla morderinna med vilt blikk bak gitteret, saman med resten av mudra. Så var det sketsjen, ja... I regndiktet var eg med, og hadde eigen replikk: "En er en" :D Og til slutt var eg kar i "Wouldn't it be loverly", der eg også hadde ein replikk: "Men, har du drømmer så vil du vel på ferie! Kor skal reisa gå då?!" Du ser meg på eit av bileta i Oppland arbeiderblad... ;) Og på heimesida til Viken er det sjølvsagt også ein del bilete!

Nei, det var fantastisk kjekt! Og sjølvsagt var det full sminking og alt. Lyset var jo heilt fantastisk på scenen. Hadde nok leigd inn ein del, ja. Synd det var over etter berre to forestillingar. Men til våren vert det "Annie"!

Over er det nokre bilete frå backstage... :D

Førjulsstemning i Gjøvik kirke

2006-12-14T09:35:00.000+01:00

Eg overlevde! Og faktisk gjekk det over alle forventningar :)

Me reiste opp til kyrkja rett etter frukost på laurdagen, for å rigga opp og ha lydprøvar og generalprøve. Det gjekk relativt bra, og etter ein liten tur på by'n for å eta lunsj, var det klart for forestilling!

Herleg! Fantastisk! Og ikkje minst jolestemning! "Damekoret" opna med "Kling no klokka", deretter var det solosongar, klassiske innslag, og avslutning med "Carol of the bells" igjen ved "damekoret". Eit utval av songane som vart sunge er:

- Himlen i min famn x2-> Katrine, Ellen Marie
- Oh, holy night x2-> Maria L, Sigmund
- Himmel på jord -> Janna
- Jul -> Kiika
- Kaldt og mørkt og lite sol -> moi
- What child is this -> Maria K
- Sonjas sang til julestjernen -> Lene
- Have yourself a merry little christmas -> Vibeke
- Mariavisa -> Frøydis og Victoria
- Ave Maria -> Kiika
- Hark, the herald angels sing -> Victoria

Det gjekk så fantastisk bra for alle, og det var så veldig kjekt! Songen min også gjekk bra, eg song nokolunde reint, og fekk det nesten til slik som planlagt. Anne Kristine (som ville spela piano for meg) gjorde ein kjempejobb bak der, endå eg la inn ein ikkje planlagt pause. Og så song eg siste verset utan musikk bortsett frå ein sånn akkordavslutning på siste tonen min. Trur det vart fint :D

Han som kom seg sjølv oss gav.
Fekk ei krubbe og ei grav.
No bør me med gledeståre
gje han rom i hjarto våre!

Blå veker

2006-11-27T08:56:00.000+01:00

Turnèen er over, og livet held fram. Men ikkje heilt som normalt. Det er som vanleg stadige nye ting som skjer. Helga etter turnèen var eg heima og gjorde absolutt ingen ting, bortsett frå å gå på russen 007 sin russerevy; "From Russen with love". Den var bra, hadde eit par gode poeng :)

Fredagskveld hadde me jentekveld på tekjøkkenet til Vikheim 1, der me åt popcorn og såg "How to lose a guy in 10 days".

Elles har me også byrja å sjå ein episode av "Band of Brothers" kvar kveld. Bortsett frå laurdag, då det var frivillig spelekveld. Eg var med på bordtennisturnering, og rauk sjølvsagt ut etter første kampen :p

Desse vekene har me dessutan "blå veker" som går til dømes ut på at eg har 15 vokaltimar i veka i staden for 4... Me har føreståande framsyningar og miniturnèar i vente og øver no spesielt fram mot desse. Det vert også ein del dans og cabaret-øving.

Laurdag var me forresten på landskamp i fjellhallen, handball damer, Noreg-Tyskland og Frankrike-Russland. Det var kjekt, veldig bra stemning på første kampen.

Viken fekk gratis inngang mot at me hadde med trommer og laga liv, og kosta heile tribunen etter kampane. Livet var greit nok, (gutane tok til tider heilt av med trommene) men det tok ein og ein halv time å kosta!

Jaja, Noreg vann, grundig, og det var kjekt å sjå kor flinke dei er. Men dei ser jo så unge ut, håndballaget har jo pleid å vera godt vaksne damer...? ;)

No er det berre fire dagar til første desember! Eg og Anne Kristine har kjøpt inn jolestjerna, adventsstake og lilla ljos :) Trur eg skal ta meg ein liten tur opp på Euroopris og sjå kva dei har der oppe også. I går var det visstnok tenning av jolegata i byen. På vokal syng me masse jolesongar, alle jentene i "damekor". Det er nydeleg! På laurdag skal me dessutan ha den førjulskonserten i Gjøvik kyrkje, der alle på vokal skal synga ein song kvar. Eg skal synga "Kaldt og mørkt", og eg held allereie på å pissa på meg av nervøsitet!

I går var eg på heklekurs, med Unni. Eg har berre hekla ein liten lapp endå, og lært ulike heklemåtar, men skal læra meir på torsdag. Det er i grunnen litt kjekt (når ein får det til) :)

Også hadde me (visst) kveldstankar i går. Me gjekk ein liten tur langs Mjøsa, og me hadde satt opp fakkelboksar, las bibelvers og sat rundt bålet og song. Veldig koseleg!

No må eg stikka til vokaltime. Har fira vokaltimar i dag, og det er alt :)

Turnè!

2006-11-21T17:37:00.000+01:00

Etter tre månadar på folkehøgskule med masse øving, var me, mandag 13. november, endeleg klare for ein liten turnè! Reisa gjekk ikkje så langt denne gongen, og etter 2-3 timar i den toetasjers bussen var me framme i Ski der me skulle ha den første framsyninga vår.

Rett etter ankomst måtte me skunda oss og rigga opp og skifta og venna oss til lokalet. Vart litt stress, men me klarte å verta ferdig i tide. Det var ein vidaregånde skule med musikk, så me fekk bra med publikum. Dette var den einaste skulen musikal og mudra fekk visa seg fram på, og det gjekk veldig greitt :)

Så var det rask nedrigging før me hoppa i bussen igjen for å køyra til leirplassen me skulle overnatta på, "Solbukta", i Fredrikstad. Det var eit veldig fint område, men me var jo ikkje der så mykje utanom måltid og soving. Me budde på firamannsrom med fire senger på ein vegg. Det var eigentleg ei kreativ plassering. Første kvelden reiste heile skulen på besøk til Mats, som budde rett i nærleiken. Det var litt av eit hus dei hadde! Det var faktisk plass til dei 70 personane som kom på besøk! Og eige rom med storskjerm. Og lampar som slo av seg av og på berre du tok på dei! Hehe... For ikkje snakka om maten; bollar og kaker som var hinsides gode! Men her var det visst fleire foreldre som hadde vore med og baka. Og me sang og koste oss før me reiste tilbake.

Andre dagen hadde me to kantinekonsertar på Fredrik 2. vidaregåande skule. Dette var gamleskulen til Sigurd, og ein av Noregs største vidaregåande skular. Det gjekk relativt bra på den første konserten, ingen gjorde store feil, utanom publikum som satt og skravla konstant, og ekstra mykje medan dei stakkars konferansierane, Frøydis og Victoria, snakka. Vokalgruppa mi framførte her "Hit the road, Jack" og "Ryktet forteller". Det gjekk fint (sjølv om det var ein smule forstyrrande med all skravlinga..)

I den andre kantina hadde dei det likevel verre. Det var færre folk og dei var særs uengasjerte, endå det var dei dødskule banda våre som opptrådde her. Me hadde diverre også eit lite lydproblem, men det vart fiksa etter kvart. Så denne dagen var litt skuffande publikumsmessig, men me hadde vel ikkje anna å venta, når me trengte oss inn i kantinene slik, og forstyrra matroa deira. (Vis respekt for folk som opptrer, folkens!)

Dagens middag vart pizza på Pizzanini. Etter konsertane hadde me fira timar fri i byen, til å gå rundt, shoppa, eta middag, og "nyta dei magiske augneblink". Det var litt lenge, men det gjekk greit. Om kvelden skulle me på Aksjon Håp-konsert med Inger Lise Rypdal og Torstein eit eller anna i frikyrkja i Sarpsborg. Det var ein flott konsert, og etterpå fekk me snakka med viss me ville.. Så fòr turen tilbake til "Solbukta".

Onsdagen byrja med konsert på St. Olav vidaregåande i Sarpsborg. Først hadde me ein liten promokonsert med MUFO2, medan eg og Ellen Marie stod ute i gangen og gjorde PR. Det var forresten overraskande få som var interesserte i musikk der, eller som hadde tenkt å gå på folkehøgskule etter vidaregåande.

Den ordentlege konserten byrja halv to. Alle elevane hadde fått fri siste time slik at dei kunne koma på konserten vår. Nokon hadde talt, og på det meste hadde det vore 15 stk i konsertsalen.. Konserten gjekk i alle fall rimelig bra. Det einaste var vokalgruppa mi, som bomma totalt på den eine songen vår, måtte stoppa fleire gongar, og først på siste verset fekk det noko lunde til. Flaut, men me overlevde. Og fullførte i det minste. Det hadde vore dobbelt så flaut å gå av scenen før me hadde fått det til, slik Silje (som var den einaste som høyrde det) sa at læraren vår hadde ropt. Eg vart ein smule irritert når eg høyrde det!

Om kvelden hadde me kafèkonsert på Tomb vidaregåande jordbruksskule. Dette vart ein stor opptur! Om det ikkje kom så alt for mange folk, så var det nok, og dei var engasjerte! Dei klappa og hoia, og då me fekk nok eit lydproblem stemte dei i med "Ja, vi elsker"; Første verset første gongen, og andre verset andre gongen :) Ja, det var rett og slett ei fornøying å opptre for dei! Og me trengte verkeleg den oppturen! Etter siste nummer utfordra dei oss også til "Ja, vi har våra klara barnestemmar kvar.." Dei var jo dømd til å tapa ;p

Også siste dagen skulle me ha to konsertar. Først ein todelt på Askim vgs, gamleskulen til Vibeke, Rikard og Per Thomas. Dei hadde den merkelegaste kantina eg har sett, men den var stilig. Og folkene der var bra publikum. Den andre delen skulle me ha i det merkelagste auditoriet eg nokon gong har sett. Det var stupbratt oppover i seteradene, bittelitt golv nederst, og masse golv bakerst oppe. Først var me i tvil om det var plass til banda der nede, og vurderte til og med å ta det på plassen oppe, men det vart som det var meint frå byrjinga.

Det gjekk rimeleg bra. Kammerkoret måtte stå i trappene og synga, og bandfolka måtte sjå langt oppover, men ein bra konsert vart det. Og 140 elevar såg på, så det var jo fint :) Det er merkeleg kor stor skilnad det kan vera frå skule til skule! Men eg trur nok denne konserten var litt meir obligatorisk, då..

Etterpå var det nedrigging som vanleg, der alle skal hjelpa til. Det er det sjølvsagt ikkje alle som gjer, men det var like greit. Me som hadde gjort det dei siste gongane hadde fått skikkeleg sving på det no, og gjorde det berre på rundt eit kvarter! Det er fort det! Så me hadde god tid til å eta middag i bedehuset ein stad i Spydeberg. Familien Lund (Rikard sin familie) pluss nokre andre, hadde laga den herlegaste lasagne til oss, og til desert fekk me is og kaka!

Den siste konserten skulle vera i Askim kirke. Det kom masse folk, endå den mannen som introduserte oss sa at me konurrerte med både dugnadsarbeid og konsert med Christian Ingebrigtsen ein annan stad i nærleiken. Dei to ungdomskora Spiren og Svaret var mellom anna der. Det eine koret framførte sjølv nokre songar, medan det andre var med gospelkoret til Viken og song Brighter Day. Dei fekk seg nok litt av ein opplevelse. Det trøkket, med mikrofonar i koret og den gitarsoloen! Hehe... Absolutt ein vellukka sistekonsert.

Så var alt over. Me rigga ned og tok bussen tilbake til Gjøvik. Her var det forresten snjo! :D I eitt-tida kunne eg legga meg lukkeleg ned i senga, slappa av og sova søtt etter ei hektisk, men fantastisk spanande og kjekk veka!

Førebuingar

2006-11-12T16:11:00.000+01:00

Vil byrja dagens innlegg med litt nydeleg filmmusikk: http://media.putfile.com/quiz123
Har ikkje peiling på kva film den er ifrå, men fin er den! :)

Og så fann eg ut korleis ein kan legga til linkar på bloggen, juhu!

Men no må eg ærlig og redelig innrømma at det er kjempelenge sidan sist! Og oppsummeringa vert vel heller kort denne gongen, viss eg klarer, då det berre er ein halvtime til kaffi...

Hm, ja, frihelga, var avslappande. Sat på dataen, var på kino, var på kinarestaurant, og såg ein del på innkjøpt tv-serie: "Band of Brothers". Kjempespennande! Fjorårselevane som var på gjenforening plaga oss ikkje alt for mykje, og huskonserten dei hadde var ganske liten, men morosam. Altså ikkje så skummelt som eg hadde frykta.

Denne veka har me førebudd turnè og hatt ørten gjennomkøyringar av alle konsertane. Når du då er med i alle konserten vert det ein del venting. Eg er ganske sår i rompemusklane etter å ha site på dei stolane i gymsalen. Og ikkje berre det. Tirsdag kjende eg først at eg vart kald på beina. Deretter kjende eg berre at eg vart forkjølt medan eg sat der. Og det vart eg, så dei siste dagane har eg gått og snufsa, snytt meg, sove, hosta, og stilt opp til gjennomkøyringar til tross for ikkje heilt ideell stemme. Me syng tross alt a cappella, og det er relativt viktig at det er reine tonar som kjem ut... Håpar eg kjem meg til tirsdag, då første vokalgruppeopptreden skal finna stad.

Fredag var me ein gjeng som gjekk på bedehuset på Gjøvik, der ein gjeng studenatr plar samla seg. Det var Vetle(..) som hadde fått snusen i eit slikt føretak. Gjengen vår fordobla talet på menneske i bygningen, men det var kjempekoseleg, og me fekk chips og is og brus. Det var også ein par-tre stk som snakka litt og las bibelvers, og elles gjekk praten livlig om alt mogeleg. Det var ein der som verkeleg prøvde å overtala meg til å satsa på media viss eg ville det. Han hadde det fantastisk fint i sitt yrke..

Filmar eg har sett siste veka er "Honey", "Love actually", "Nanny Mcphee", og slutten av "Team America", hehe, skulle kanskje sett heile..

I dag har eg ete frukost, spelt bordtennis med Karen, vaska klede, lest, snakka i telefonen med pappa (farsdag i dag!), og ete middag. Eg har også planar om å pakka, men akkurat no er lagerrommet der kofferten min står låst... Elles så vert det vel tidleg kveld i dag, då frukosten er klokka seks i morgon tidleg. Åh, eg gler meg til turnèen, det vert spanande, men også litt skummelt! Referat frå den kjem vel seinare. Neste helg er det langfrihelg, og då skal eg heim! Eg henta togbillettane i går, men så viste eg feil refereansenummer og fekk billettane for desember i staden. Me får tru det går bra å henta dei riktige billettane seinare.

Eg trur eg skal vera ekstra gavmild i dag og linka til endå litt meir filmmusikk: http://media.putfile.com/glogg

Så må eg vel springa, først er det kaffi, og så kveldstankar.

Ønsk oss lukke til på turnèen!

Nei, sjaa snøen

2006-11-05T12:06:00.000+01:00

"Nei, sjaa snøen" av Johan Einar Unger

Nei, sjaa snøen!
Han ligg kvit og fin paa heile bøen.
Nuten fekk so blank ein silkehatt,
vèvd i skyi, fint paa kruna satt,
med du sov i natt,
med du sov.

Nei, sjaa snøen du,
kor han ligg paa kvar ein stein og stu!
Løynleg kom han som paa kattafot,
skýlte med sitt dun kvar rubb og rot,
med du sov i natt,
med du sov.

Nei, kor ljos han er,
endaa morgon-dìm han til meg ser!
No i gaar var jordi myrk og strid,
men i dag – kor ho vart ljos og blid,
med du sov i natt,
med du sov.

Enn sjaa skogen daa!
Klædd han er og prydeleg aa sjaa.
Tru tusund mil til «Austerland» dei fór
henta diadém og sylverflor,
med du sov i natt,
med du sov?

Bjørki – blyg ho stend,
med eit fagert slør som brur i grend;
kven hev sauma med ei hand so lett
millionar stjernor tett i tett,
med du sov i natt,
med du sov?

Lufti er so god og rein!
Kraft og helsebot for livsens mein!
Soli renn, drys gull paa skog og vang,
gjorde langreis hit med ljos i fang,
med du sov i natt,
med du sov.

Tru og ver i Krist,
i det sanne vintre som den grøne kvist!
Stilt skal Herren ein gong alt umsnu,
myrker um til ljos og englebu,
med du søv ei natt,
med du søv.

Brrr!

2006-11-02T13:34:00.000+01:00

Ja, så har det gått ei heil veka igjen.. Skal me sjå, jau, snjoen på torsdagen forsvann ganske fort, faktisk same kveld.., men det har vore bra kaldt for det!

Fredag hadde jazz/pop/rock-lina konsert, og på kvelden såg me "Den grønne mil" i auditoriet.

Laurdag hadde me seminar om låtskriving med Ole Reinlund, og han hadde også konsert for oss seinare på kvelden. Etter det sat me og prata før me reiste ned til miljøarbeidarane, drakk, kakao, prata og såg full pakke 2. Eg la meg vel halv 2 (snudd tid...).

Sundag gjekk eg, Anna Nicoline, Sylvia og Kristine ein god tur, og då me kom tilbake hoppa eg og Kristine i Mjøsa! Det var kaldt, men ikkje så kaldt som eg trudde det skulle vera :)

Seinare spelte me fotball i snøver. Det vert så fort mørkt no for tida, ja, me har jo snudd klokka også. I alle fall; det var ein særs aktiv dag! Det var dessutan Mjøsheim sin tur til å få besøk av Nattakoret :).

Mandags morgon møter me ein smilande, sukkande Hanna H. som var så lukkeleg over å ha fått besøk av Nattakoret kvelden før. "E berre satt å smilte heile tiå!" Gjett kven som kjente seg att! *Sukk!* Same dagen kjøpte eg meg ny gensar og singlet i den fine, grønne fargen som kler meg så bra. Og så vaska me rommet vårt. Så øvde eg litt. Og så var det Sing Star nede hjå miljøarbeidarane.

Tirsdagen vakna eg opp til eit fantastisk syn: snø, snø, kvitt over alt, og det lava framleis ned og til langt ut på dagen! Elles gjekk dagen som vanleg, bortsett frå at eg holdt på å byrja å grina i sangtimen og at Heidi danselærar sat fast pga all snøen og kom ein time for seint. Stine hadde tøying og styrketrening med oss i staden. På Mudra går det bra, må berre få lært all tekst og melodi og sånn. Dessutan har eg høyrt skumle rykter om at me på Mudra skal få meir sentrale rollar snart...:O Og swingkurset er framleis like kjekt. Og nok ein fin tirsdag vart avslutta med Grey's Anatomy nede i E-boligen.

Onsdag fekk me vita at vokalgruppa måtte spela inn dei songane me ville ha med på turneen same dagen for å få dei med. Så det gjorde me, ikkje i studio, for det var opptatt, men på rommet til Ole som heldigvis hadde opptaksutstyr! Så øvde eg på jolesongen til interpretasjonstimen dagen etter, og halv ti var det "Min elleville ferie" nede hjå miljøarbeidarane.

Torsdag, er i dag, og det er strålande fint ver ute, men iskaldt. Den fine, nyinnkjøpte (billige) gradestokken min viste fem minus i dag tidleg! Interpretasjon, der eg song "Kaldt og mørkt og lite sol" gjekk faktisk relativt bra i dag :D Så har me fått vita kva som skjer neste veka med prøvar og gjennomkøyringar til turneen. Gler meg!

Kommentar

2006-10-26T18:13:00.000+02:00

Og så må eg berre nett påpeika at det er veldig lov å leggja att kommentarar i bloggen min! :D

Årets første snøfall

2006-10-26T13:18:00.000+02:00

Først må eg berre fortelja at me hadde den nydelegaste soloppgangen her i går...!

Og så snør det, ja! For første gong i år. Riktig nok ganske våt, og den kjem vel til å forsvinna ganske fort, men me får nyta den så lenge den varer. (Kjem vel til å vera drittlei om tre-fira månadar uansett...) Her er nokre bilete av snjoen også..

Braaann!

2006-10-26T13:01:00.000+02:00

Jepp, du las heilt riktig. Mellom seks og halv sju i dag tidleg vart eg vekt opp av den beste søvnen på lenge av ei særs høglytt jamring.

Først etter andre ulet skjøna eg at det var brannalarmen! Og då gjekk alt i ein forrykande fart. Eg og Anne Kristine kasta oss ut av sengene, treiv på oss buksa og sprang ut med jakka over skuldra. Me rakk også å ta på oss skoa i gangen, der me måtte Sif halvnaken med ei dyna rundt seg.. Me var dei første ute, men etter kvart kom dei andre og me stilte oss i rekker etter internat.

Praten gjekk livlig, og me høyrde skumle rykter om tjukk røyk nede på Vikheim U. Fire minutter etter at brannalarmen hadde byrja kom brannbilen susande. Og straks etter kom Svein springande; Var alle der? Kva?! Hadde Marianne og Ellen Iselin (som bur i Vikheim U) gått inn att på rommet?!?! Heldigvis viste det seg at det var vaktmester Stig som hadde bede dei om det, for at røykdykkarane skulle koma og finna dei... Ja, det var berre ei øving, med falsk røyk. Og tilsynslærar og elevar hadde ikkje visst om det.

Så fekk me gå inn att, men i løpet av den timen det var til me faktisk skulle stå opp, fekk me ikkje sova igjen. Då hadde det nesten vore betre om øvinga var klokka tre om natta. Men, men, det var no likevel ei spanande oppleving... :-D

Rollespel

2006-10-25T15:08:00.000+02:00

Mandag byrja dagen bra, med fira timar "rollespel". Me vart delt opp i to ulike kulturar og så skulle me senda to tre stykker på besøk til den andre kulturen for å sjå korleis dei levde. Det var heilt sprøtt, vilt! Og utruleg kjekt og spanande! Me skulle då prøva å finna ut kva reglar den andre kulturen levde etter.

Eg var med i ein meir kynisk, kapitalistisk kultur. For oss var det om å gjera å bytta til oss kort frå ein til sju i same farge. For å gjera dette måtte me først blinka til ein annan person og få eit blink tilbake. Deretter måtte du halda opp det kortet du ville tilby, og så forklara kva kort du ønskte. Dette vart gjort med eit kodespråk: For å forklara kva farge det skulle vera på kortet måtte du seia eit kva som helst ord som byrja på den same bokstaven som fargen (bling, gurke, gras, ratata).

For å formidla kva nummer du ønskte, måtte du bruka den første stavelsen i fornamnet og etternamnet ditt. Om eg skulle sei 5, hadde det vorte "ha-skje-ha-skje-ha", altså like mange stavelsar som det nummeret du ville ha. Om du ikkje hadde kortet det vart spurt etter, måtte du vifta med albogane, som i fugledansen. Hadde du kortet og var villig til å bytta, måtte du legga kinnet på skuldra di som positivt svar. Og så bytta ein. Kvar gong ein fekk full rekka leverte me den inn i banken og fekk ein sjokoladebit. Det var også premie til den som til slutt hadde fått flest rekker.

Alt dette var jo sjølvsagt totalt uforståeleg for dei besøkande frå den andre kulturen, slik me for rundt og blinka til kvarandre, vifta med armane og snakka relativt kaudervelsk. Det var difor eit fint høve for oss innfødde til å utnytta gjestene for å få tak i dei korta me trengde. Som besøkande hjå dei fekk me sjå at dei kom frå ein heilt annan kultur. Alle var blide, klemte kvarandre og samtalen handla mest om familien og store bragder. Familiemedlem av hankjønn vel og merka. Dei sat også og spelte eit slags kortspel og utveksla trebrikker, men var alltid like glade om dei vann eller tapte.

Dei var også venlege mot oss besøkande, starta gjerne ein samtale eller eit spel om treklossar, men plutseleg kunne dei endra oppførsel totalt og halda opp eit kort mot deg der det stod Stippler. Me i den andre kulturen ressonerte oss fram til at dette var på linja med å visa fingeren, men kvifor dei plutseleg viste fram kortet var uvisst. Me måtte ha gjort noko som fornerma dei.. Det hendte også at nokre av gutane våre vart kasta ut frå den andre kulturen. Heller ikkje dette hadde me noko forklaring på, men me fann ut at mange av dei hadde ulik rang.

Me fekk svara til slutt: I den framande kulturen var kroppskontakt svært viktig, også det å snakka om dei mannlege medlemma i familien og kva dei hadde gjort. Kortspelet var berre til forvirring, dei skulle berre vera like glade enten dei vann eller tapte. Tydinga til Stippler-kortet hadde me også gjetta riktig på, og dette fekk me sjå om me t.d. prata om kvinnelege familiemedlem eller viste det same kortet sjølv, uvitande av tydinga, t.d. når du var invitert med på kortspel. Ein annan ting var at kvinnene i kulturen var mennene sin eigedom, og menn frå vår kultur kunne ikkje snakka med kvinner utan at mennene hadde snakka til dei først og godkjent dei. Difor vart dei ofte kasta ut. Kulturen hadde også ein hovudsjef som mellom anna kunne innlemma framande i kulturen ved å ha ein sivilisert, høflig konversasjon med oss, etter deira reglar...

Jammen var det kjekt, ja! Me fekk mykje betre forståelsen av å vera ny i ein heilt framand kultur, og det var neimen ikkje berre berre. Og så var det særdeles morosamt å høyra etterpå korleis dei andre trudde vår kultur var... Ah, ei herleg oppleving eg vil anbefala til alle!

Foreldredag, villtur, innspeling, rollespel, fotball, øving, nattakor, banankaka, eventyr, swingkurs

2006-10-25T09:27:00.000+02:00

Seriøst!
Det skjer så utruleg mykje for tida at eg rett og slett ikkje får tid til å skriva om det! I alle fall; eg var vel komen til foreldredagen, som gjekk utruleg fort! Mamma, pappa, Kirsti og Vegard kom i tolv-tida. Først var det kaffi, så var mamma og pappa på infomøte med vokalfordjupinga, medan eg, Vegard og Kirsti fann oss eit klasserom og spelte piano og sang.

Så var det vel lunsj, meir informasjon, og omvisning, før den store konserten. Den varte i ein og ein halv time og var mykje det same som huskonserten, berre at dei fleste banda gjorde det betre denne gongen, og det var jo bra! Deretter var det ein times pause før middag; herleg moussaka! Og så etter litt biljardspeling var klokka rundt ni og det var på tide for besøket å reisa. Me andre var dødstrøytte etter ein lang dag, og etter ei stund med prating i peisestova, gjekk me og la oss, før elleve.

Sundag var ein blanda dag. Den byrja flott, med ein fantastisk villtur som endte inn i skogen og utanfor Gjøvik kommune. Men me kom oss tilbake. Seinare skulle vokalgruppa mi i studio og spela inn "Hit the road Jack". Det gjekk så som så, og eg var skikkeleg deprimert ei stund etterpå. Men humøret kom seg att då Kveldstankergruppa mi gjekk ned i kostymelageret for å finna klede til vårt vesle bibeldrama. Fantastisk moro! Holdt på å le oss i hel! Kven har vel før sett eit esel med jakke, krøllete parykk, museøyre og rottehale?! Kvelden vart vellukka, og talaren Vetle hadde skaffa var flink. Og tru det eller ei; etterpå gjekk eg og Anne Kristine og la oss. (Kveldstanker var klokka kvart på ti den kvelden grunna fotballkamp på tv (Rosenborg-Brann 3-1 :-()).

Mandag:
- Byrja bra med fira timar "rollespel". Me var delt opp i to ulike kulturar og så skulle me senda to tre stykker på besøk til den andre kulturen for å sjå korleis dei levde. Det var heilt sprøtt, vilt! Og utruleg kjekt og spanande!
- Etter middag var me ein gjeng som spelte fotball ute. Eg trur det må vera den kjekkaste fotballkampen eg har spelt til no, det var så kjekt! Men litt over seks så vart det jo mørkt, og me måtte diverre gje oss.
- Men dagen var ikkje over endå, etter eit par timar med vellukka øving, var det kveldsmat. Me vart sitjande der ei stund, og prata mac og Football Manager. Deretter gjekk me ut i ein sofa tre-fira av oss og prata litt.

- Mellom halv elleve og elleve gjekk eg og Anne Kristine og la oss etter eit par mindre diskret hint frå

"Nattakoret"

Ikkje lenge etter at me var kome opp på rommet og hadde byrja å gjera oss i stand til å sova, banka det på døra. Eg opna døra. Utanfor stod omlag ti spente gutar.

Eg sa dei måtte venta litt, for Anne Kristine var framleis på badet. Eg gjekk inn igjen og dei lot att døra. Då Anne Kristine kom ut opna ho døra igjen... Og inn kom dei, med den vakraste humminga du kan tenkja deg! Dei slokte alle ljos, og hadde sjølv med seg to store kubbeljos frå matsalen.

Det var så nydeleg og dei song så fint, og eg var så overvelda at eg ikkje lenger hugsar kva songar dei sang. Men firstemt var det i allefall, og Sigurd hadde med seg stemmegaffelen sin så dei fekk tonane. Eg trur forresten det var tre songar, berre den siste hugsar eg , då dei hadde dikta ny tekst til "Laudate omnes gentis":

Sov godt du vakre pike,

sov godt og fall til ro...

Deretter gjekk dei nynnande ut medan dei alle saman gav oss ein "god natt"-klem.

Igjen i rommet sat eg og Anne Kristine i kvar vår seng og berre gliste. Kvein litt gjorde me også. Det var rett før me var rørte til tårer begge to, og no visste me ikkje heilt kvar me skulle gjera av oss. Eg må berre sei at dette var noko av det mest fantastiske eg har opplevd i heile mitt liv! Og med dette kjem eg med ei oppfordring til alle gutar rundt om i verda om å ta initiativ til det same; gi jentene eit minne for resten av livet!

Så det var den fantastiske mandagen :)

Tirsdag byrja som vanleg med vasketime, og timen etterpå hadde eg tenkt å vaska badet på rommet vårt. Dette vart imidlertid effektivt hindra då Karen kom innom og baud oss på banankaka på rommet til henne og Tina. Det endte opp med meg, Anne Kristine, Sigmund, Sigurd, Tina og Karen der inne, fråtsande i banankaka, sjokolade, kokosgodt og kakao, medan me las eventyr om "Den flyvende kuffert" og "Stoppenaalen" frå Karen si eventyrbok (som då var skriven på dansk). Det var utruleg koseleg!

Så var det vanlege timar resten av dagen. Det vil sei, til halv sju. Og når nybyrjarkurset i swing då byrja klokka seks, og det var der dei fleste frå skulen hadde tenkt seg, så var det klart det var litt irriterande. Det var eit kurs for vidarekomne etter det første kurset. Eg var veldig i tvil om eg var klar for det endå, men eg hadde veldig lyst til å dansa, så eg tok no med meg danseskoa og gjekk opp for sjå.

Eg ante ikkje kor det var, og å følgja kartet eg hadde tatt ut frå internett var ikkje heilt lett. Så det som skulle vera ein ti minutters tur vart til minst 20. Men eg fann no fram og fekk med meg slutten av nybyrjarkurset til dei andre. Det såg veldig kjekt ut, og dei klarte å overtala meg til å gå på det andre kurset. Heldigvis kom også Stine og var med på det. Eg er glad eg gjekk, det var veldig kjekt, og ikkje noko spesielt vanskeleg. Det vert nok sikkert fleire turar opp der, ja :-)

Nede på skulen igjen tok eg meg ein velfortent dusj før kveldsmaten, og deretter vart dagen avslutta med "Grey's Anatomy", som dei fleste jentene her ser på, i tv-stova. Eg sovna med ein gong eg la meg den kvelden!

Fritt vilt

2006-10-23T12:40:00.000+02:00

Hei sann, nesten ei veka sidan sist no! Og mykje har skjedd... Skal me sjå, fredag var det huskonsert, i fira timar, med middagspause heldigvis. Det var mykje bra, spesielt Katrine m/band (Decadence), og MUFO 2 (?)-bandet med Peaceful. Utruleg kult!

Seinare på kvelden reiste eg, Silje, Ingunn og Sveinung på kino og såg "Fritt Vilt". Bra film, veldig skummel. Trur eg aldri har snakka så mykje under ein film nokon gong, det er nesten skammeleg, men litt forståeleg i og med at det var Silje eg sat attmed...:D Likte rulleteksten forresten: "All my friends are dead! All my friends are deeeaaaad!! Hehe...

To be continued...

Viken

2006-10-18T21:03:00.000+02:00

http://www.viken.fhs.no

Anbefalast...

Guttekveld!

2006-10-18T20:03:00.000+02:00

Etter fleire kveldar åleine ved kveldsmaten, kunne gutane endeleg gle seg til ein fantastisk fest, berre for dei, laga av oss jentene!

I posthylla fredag kveld, fekk dei ein stilig invitasjon til festen, med beskjed om å kle seg lett pynta og møta opp i gymsalen kvart på sju om kvelden dagen etter. Jentene hadde etter fleire kveldar med planlegging kome opp med eit program som var slik:

Då alle gutane var komne inn i gymsalen gjekk ljoset av. James Bond-musikken vart starta opp, og ut frå forskjellige krokar og dører kom jentene, kledd i svart og kvitt, smygande med hendene som pistolar. Etter å ha sirkla inn gutane og snurra rundt på golvet, ropte Anne Kristine "Attack!" Jentene gjekk til angrep, og bandt alle gutane for augo. Deretter ropte Kine "Follow me!" og dei vart leia ut og rundt omkring, før dei enda opp i den vakkert haustpynta matsalen. (Me har eit par lønnetre utanfor her som får slike nydelege fargar på denne tida, og dette har me visst å nytta fleire gongar.)

Sidan gutar trur me jenter er så kompliserte, hadde me laga i stand ein enkel festmiddag, og hamburgarane, potetchipsen, salaten og sjokolademousseen falt godt i smak. Under middagen var det også guttenes tale ved Vilde og Janna, der dei fortalde korleis me jenter ville dei skulle oppføra seg, og at me hata sjokolade over alt i verda. Og viss dei trudde at me vart sjarmert i senk av feite akkordar på gitaren eller pianoet, så hadde dei heilt rett i det!

Etter ein halvtimes (røyke)pause, var det tid for underhaldning i peisestova. Først på programmet var ein gjeng, inkludert meg, som framførte ei blanding av sangane "Sussebass" og "It's raining men". Deretter fulgte ulike leikar; Ole var den beste raparen (som i "pressa-ut-luft-av-halsen", Sondre var best til å gjera to ting på ein gong (synga "Bæ bæ lille lam" medan han skreiv ned adressa og telefonnummer), medan Henning var den beste sminkøren. Avslutninga var halvparten av jentene som dansa til "Call on me"... og det likte jo gutane godt..:)

Men endå var det ikkje slutt. No gjekk turen til klasserom S der det var tente ljos og madrasser på golvet. Ulrica, Vibeke og Vilde hadde underhaldning med song, fløyta og piano, og Tina hadde laga ein 15 minutters biletfilm frå den tida me har hatt saman til no. Utruleg koseleg! Kvelden vart avslutta med filmvisning på klasserom S (Die Hard) og x-box-turnering i tv-stova. Dei siste la seg, i halv fire-tida, var jenter, hekta på gitar-tv-speling. Men gutane var også nøgde med oppvartninga, og alt i alt var det ein særs hyggeleg og vellukka kveld!

Eg gler meg til det vert gutane sin tur... :D

Ah!

2006-10-18T17:31:00.000+02:00

Må berre innrømma at det har vorte lite tid på dataen i det siste, det skjer så utruleg mykje for tida, og Østfold-turneen vår nærmar seg faretruande! Men først er det då huskonsert på fredag, og foreldredag på laurdag. Både mamma og pappa og to til kjem..:)

No får me nesten til "Hit the road Jack" på vokalgruppa, men me synk noko så grasalt kvar einaste gong! Irriterande er det! Skal øva klokka seks igjen då, så får me sjå..

Veret er for augneblinken særdeles dårleg. Men fine soloppgangar har me no hatt. Biletet er teken frå vindauget på rommet mitt.. Etter tre, fira iskalde dagar har det no gått over i høljregn. Nokon snakte om at det snart skal byrja å snjoa, men det er jo berre fint. Gler meg til vinteren, og alle her gler seg noko sinnsjukt til jul!!! Me må verkeleg ta oss sjølv i nakken for ikkje å byrja å synga julesongar om dagane..

På sundag er det mi gruppa sin tur til å ha kveldstankar, me planlegg litt sånn bibelquiz med å mima ulike situasjonar og slikt. Det er fint med dei kveldane. Håpar me får tak i nokon som kan sei noko fornuftig også. Elles så lærte me eit nytt bibelvers forrige sundag, inntil klappinga til "We will rock you":

Jeg vil lære deg og vise deg
den veien du skal gå,
mine øyne hviler på deg
og gir deg råd!
Salme 32 vers 8

Det var kult, og eg hugsar det framleis! ;-)

Elles er humøret i dag veldig bra. Eg har til og med fått skrive eit brev. Og så kom avsløringa på siste veka sitt "hemmeleg ven"-prosjekt! Andreas hadde blitt veldig glad for lappane mine og sangen eg dikta til han, så det var kjekt! Det var Frøydis som hadde meg, og eg fekk eit par fine ting hjå henne som gjorde meg veldig glad :)

Men no må eg springa for å øva med vokalgruppa.

IBB!

Klikkk!

2006-10-09T19:06:00.000+02:00

Det er bortimot det verste eg veit, når dataen klikkar og den lange teksten eg har skrive forsvinn! Så fisketuren eg hadde tenkt å skriva om (skreiv om) får venta til eg er i litt betre humør.

Elles er haustferien over og eg er tilbake på Viken etter nok ein laang togtur. Boka las eg ut på fira timar... Det var fint å vera heima, og eta masse god mat (les: Hjortegryta og blåbærgraut, og ikkje minst pizza!) Men det er bra å vera på Viken att! Me såg "Hotel Rwanda" på verdibørsen i dag. Bra film, fæl hending. Vert stilig å laga rettsak, då :-) Elles har me byrja å planleggja kveld for gutane på laurdag, kan bli spanande.. Og eg har bestemt meg for å behalda danseskorne, i håp om at dei vidar seg ut litt.

I dag var det rett og slett iskaldt ute! Eg trur eg må gå til innkjøp av ein gradestokk for å halda auge med det. Eg gjekk til og med med på å slå på panelomnen på rommet i dag! Håpar me framleis kan ha vindauget ope om natta.. :-p Må snart gå til innkjøp av vinterklede og sko. Apropos; kvifor måtte mamma gi meg ein gensar som må handvaskast! :-p Og no må eg hugsa å kjøpa vaskepalettar så eg får vaska dei andre kleda mine.

Samanristingstur

2006-10-01T16:44:00.000+02:00

Turen gjekk til Røde kors sin leirplass, Merket, i Tisleidalen i Valdres. Etter ein to timars lang busstur var me framme og innkvarterte oss på rom med betre standard enn dei på internatet.. Litt seinare vart matpakka fortært, medan dei som var raskast til å eta suste rundt i tråbilane på plassen der.

Første aktivitet var eit strategispel, kalla Stratego, som eigentleg er eit brettspel, der me skulle springa rundt med forskjellig status og leita etter den personen som bar flagget, medan me tok kvarandre. Nokre av titlane var genaral, kaptein, løytnant, speidar og sjølvmordsbombar..:) Var gøy! Mitt lag vant for det meste..

Om kvelden var det tro og tvil-grupper. Me sat rundt bål i Vikingland og diskuterte kva me trudde. Var veldig interessant, og me kom litt tettare på kvarandre, me i Go'fot-gruppa. Etterpå var det suppe og rundstykker varma på bål i hovudhuset i Vikingland. Vanvittig koseleg!

Dagen etter kunne me velga mellom sykkeltur, vandretur eller gåtur. Gåturen vart flytta til ein annan stad grunna dårleg ver, men også då me besteig fjellet Maukalaus, var utsikten null og niks grunna skodda. Me kompenserte opplevelsen med utsikt ved å dansa OL-floka og andre ringleikar/dansar. Fantastisk kjekt!

På veg tilbake kunne me velga mellom lang og kort veg. Den lange innebar elvehopping og fjellklatring før me slo oss i lag med syklistane ved jettegrytene. Var godt å koma tilbake til pizza og gele! Om kvelden var det tro og tvil igjen, men også "speakers corner" der alle kunne stilla seg på ei bruskassa og fortelja om kva dei trudde på. Gjekk litt treigt i byrjinga, men etter kvart skulle me ynskja det hadde vart lenger. Så var det kaffi og kaker før "1000 MOH" (musikk og helse-valfaggruppa) skulle ha konsert for oss. Det var utruleg fint og rørande, flott avslutning på kvelden.

Så var det endeleg duka for å bestiga Skogshorn! Etter å ha venta nokre timar i håp om at skodda skulle letta (noko den ikkje gjorde), sette me oss i bilane og køyrde ein halvtime innover på Golsfjellet. For å sei det kort steig me 800 m på 4 km gange. Det var braaaatt, men med eit passe jamnt tempo kom no eg og Hanna H. oss opp, berre 20 min etter dei sprekaste! Og på toppen så var jammen den tunge gåinga verdt det. Skodda letta endeleg, og for ein utsikt!

På nedtur trilla me nesten halve vegen, og lårmusklane fekk brynt seg skikkeleg. Men me kom oss no ned, der mora til eine miljøarbeidaren, som har støl der oppe, venta på oss med nydelege kvikaker og saft og det me måtte attrå. Diverre var eg så mett etter nista at eg berre fekk trykt i meg ei..

På middagsmenyen den dagen stod kalkun, med is til desert.. Kan ikkje klaga på kosten i alle fall. Så var det tro og tvil; "speakers corner". Vart også i kveld avbrutt lenge før det hadde vore naudsynt. Kveldsmaten var pinnebrødsteiking i Vikingland, og etter kvart også indrefilet med brødplettar, løk og champignon. Koooseleg! Me satt der oppe til klokka var nærmare 12.

Var bra stiv dagen etter.. Heldigvis var dagens program for meg berre crosscart. Var kjekt, og vått, me måtte spyla søla av kvarandre etterpå.. Så var det tid for vasking og heimreise etter ei fin avslutning i Vikingland. Sov nesten heile turen tilbake...:)

Ferie!

2006-10-01T16:24:00.000+02:00

Jah, så var det ferie!
Godt å vera heima på Voss ei stund. Fint ver i dag, men vert vel bortimot også den einaste fine dagen i ferien? Passar eigentleg fint, for pappa har sagt me skal fiska..! :D

I går kjøpte eg og mamma nye gardiner til rommet mitt (som var totalforandra då eg kom heim). Dei var kjempefine, men diverre litt for ljose. Eg føretrekker litt mørkare..:p

I alle fall fekk eg pizza i går. Herleg!

Mosik

2006-09-24T15:41:00.000+02:00

Åh, Narniafilmmusikken er heilt fantastisk!
(http://media.putfile.com/fkvizz1)

Elevkvelden i går gjekk kjempebra! Me måtte vera på rom S grunna konfirmasjon i peisestova, så me la inn madrasser og tente stearinlys, trur folk koste seg. Holdt på å le oss i hel av "Kånehank"-leiken! Åh, det var morosamt!!! Skulle seriøst ha filma det..:D

Elles er kjenslene mine for denne dagen særdeles delte... Årsaka til dette er at "Stjerner i Sikte"- finalen på Gjøvik-Marken og siste Star Wars-filmen etter eit langt maraton (minus film to) er samstundes i dag! Krise! Må jo på SiS sidan me var med og arrangerte det..! Og så skal me arrangørane (og bandet) ut og eta gratis pizza etterpå, då, det vert jo kjekt! Håpar me syng bordverset i dag også, gøy, gøy, gøy!

I morgon reiser me på "samanristingstur" til Merket i Valdres ein stad, så vert ikkje skriving på nokre dagar då, kanskje like greit..(er ikkje så sikker på om det var lurt å be meg starta blogg, Ingebjørg, vert mykje lesestoff for deg dette ;D)

Ciao

Stress

2006-09-23T17:02:00.000+02:00

Elevkveld i kveld!!!

Masse å førebu..
United States, Canada, Mexico, Panama, Haiti, Jamaica, Peru, osb, no kan eg heile utanatt! Monologen til Sigurd er dødskul!
Hm, vert nesten litt nervøs no eg. Får kanskje ta i bruk litt av informasjonen frå sceneskrekkseminaret me hadde i dag..var gøy!

Elles så var me ute på Peppe's i går kveld, ein tredve stk, var bestilt til 15+... Me song det firstemte bordverset og takkeverset vårt, endå meir gøy!!! Så gjekk me ut og dansa etterpå, heima halv 2, men så fekk me sova til ti i dag då :)

Må gå, masse arbeid..

snx!

?Blogg?

2006-09-22T14:08:00.000+02:00

Vel, Ingebjørg, du fekk viljen din..;)

Eg har blitt ein bloggar, så får me no sjå kva det blir til vidare. Eg kan eigentleg svært lite om det her. Kven er det som les dette i det heile teke?

Nei, det får berre verta ein liten prøve dette her, no skal eg på huskonsert (eg går då altså på Viken fhs i Gjøvik). Det vert dødsbra!

Namarie!